عزيزي قارئ هذه القصيده أرجو التمهل في القراءه

[راشد بن فلوه]

السلام عليكم


الله يسعد اوقاتكم بكل خير أأأأأأأأأأسف على الغياب وابشروا بي ارجو من كل من يقرأ هذى القصيده

ان يدعو لكاتبها ولوالديه ولجميع المسلمين بكل دعاء حسن وطيب.


صلوا على النبي.

الصلاه أخير بلا شك مـن حلـو المنـام = والله انها ترفع الهم من فـوق الصـدور

أخر الانسان محشـور فـي قبـر ظـلام = يالله إنحن ندخل حماك من ضيق القبـور

ليت بعد الموت مابه حسـاب ولا كـلام = كان عادي عند الانسان ومن ابسط الامور

بس بعد المـوت قبـر يشيـب بالغـلام = نار للكافـر وللمسلـم أفـراح وسـرور

من هنا تبدأ المعانـاه لأصحـاب الاثـام = ما لهم من محنة القبر فكـات وظهـور

شئ حاصل مايبي له جـدال ولا خصـام = السؤال ووحشة القبـر ماعنهـا مـرور

ويـش ربك؟مـن نبيك؟ودينك؟الهـمـام = والجواب يكون قد الرصيد مـن الاجـور

دام عند العبـد حسنـه مسيـره للأمـام = وان وقف مافي رصيده برك مثل الجزور

ساعـةٍ ماينفعـه لا خـوال ولا عمـام = عز يتـلا عـز ولا دبـور فـي دبـور

حظ من أقم صلاتـه وصلـى واستقـام = وانحنى خوف من الواحد الفرد الشكـور

وحج بيت الله واتمـم زكاتـه والصيـام = وقام نصف الليل كله إلى وقت السحـور

أحتـزم بالله والديـن يانعـم الـحـزام = سلعةٍ لا يمكـن انهـا براعيهـا تبـور

مايحقق مطلبه كون مـن عنـده مـرام = الطموح يسوق رجله وهو رجل صبـور

كل ماتحداه نفسـه علـى فعـل الحـرام = أعتزى واقبل لربه وهـو دمعـه حـدور

يالله ارحمنـي برحمتـك يـارب الانـام = وارحم امي وارحم ابوي يالـرب الغفـور

وارحم أقـرب مايلينـي إذا أشتدالزحـام = واشمل بطيبك وعفوك ورحمتك الحضـور

وأغفر لأمة رسول البشر شـرق وشـام = ولا تواخذنـا بكثـر الخطايـا والقصـور

ياكريم بقدرتـك تحيـي أمـوات العظـام = لا إله إلا أنـت معبـود وإليـك النشـور

تذنب النفس الضعيفه ويغريهـا الحـرام = والحرام يدنس النفـس والتوبـة طهـور

وسلامتكم