ماهوب لازم تشوف الدمـع فـي عيونـي=حتى انـي اثبـت غـلاك الـي تجرعتـه
ردات الافعال من دونـك .. ومـن دونـي=اردت شعـور المحبـه قتـل .. واشبعتـه
انت اعتبرت .. ( الكِبر ) .. شرعي وقانوني=واهديتنـي جمـر هجـرانـك وولعـتـه
وانـا اختصـرت الكـلام وشـح مكنونـي=في مـوق عيـن ٍ بكـف الشـك ودعتـه
منطق ومبدأ الجفـا كـان آخـر ظنونـي=والموقـف الـي صنعتـه .. ماتصنعـتـه
مـن رهبتـه حـوّل التعبيـر لمتـونـي=الجم لسانـي عـن احساسـي ماطلعتـه
يامـروع ٍ خاطـري ..ومغيـر ٍ لـونـي=حمـلـت وزر آدمـــي ٍ ماتوقـعـتـه
في ذمتك غير .. ظلمي .. ضحكة سنونـي=والخاطر اللـي حضـن همـك وروعتـه
ياقافـي وطرقـي ومعـنـاي ولحـونـي=الـي علـى منهجـي واسلوبـي ابدعتـه
لـوان حبـك ماهـوب يحـرك شجونـي=مـا اوجعـت قلبـي وعرشـه ماتربعتـه
اغليـك و آحبـك وحبـي لـك جنـونـي=والقلب عن غيـرك مـن النـاس برقعتـه
ولاهوب ذنبي ليـا جيتـك علـى هونـي=هـذاه طبعـي .. وطبعـي مـا تطبعـتـه
الشاهد .. اني عليك احرص مـن عيونـي=ومن كثرحرصـي عليـك الحـب ضيعتـه
لـــــ عناد النفيعي
31-07-2007, 03:18 AM
العرض الشجري