باسم الله اللي يعلم السر والجهر=يعلم دبيب الذر فوق اسود الصخر
وارفع يديني قبل مايطلع الفجر=في ساعةٍ فيها الدعاوي تجابي
اسألك يارزاق خلقك بلا من=اسألك والجا لك وانا محسن الظن
فرج لي اللي عن حكي الناس تنكن=عن هرجة الشمات صكيت بابي
نفسي عزيزه ماشتكي غير لله=ماني من اللي تسمع الناس شكواه
اصبرعليها وسأل الله مرضاه=واللي يجيني منكتب في كتابي
العبد يسعى ثم يسعى ويسعى=مع التوكل يطلب الله ويدعى
اياه ثم اياه يقعد وينعى=هذي سوايا ناقشات الخضابي
وآخير ماختم به صلاةٍ بتسليم=على نبيٍ هدم الشرك تهديم
محمد المرسول نورٍبعد غيم=اعداد ماناضت بروق السحابي
05-08-2007, 03:26 PM
العرض الشجري