بسم الله الرحمن الرحبم
السلام عليكم ورحمة الله و بركاته أردت اضافة هذا الموضوع عندما قرأت موضوع عن اهانة أحد المدرسين لطالب و هي قصة حدثت معاي في المدرسة ...........
كان يوم الأربعاء وفي الحصة الأخيرة كالعادة في آخر عشر دقائق كان كل طالب في ثاني متوسط\2 (فصلنا)يلعب أو يكلم زميله او...................الخ وكان المدرس الي عندنا جديد وكان يكرهني مررررة المشكلة انها اول حصة له عندنا ما ادري ليش يكرهني المهم قال الاستاذ للطلاب يجلسون محد جلس(طنشوووووووووه) بعدين أنا قلت للطلاب يجلسون و جلسوا(احترام للمدرس)أول ما جلسوا جاني المدرس طاير (احسبه بيشكرني) والله ما دريت الا وهو ماسكني من ثوبي وطاح فيني طق جو فكو بينا الطلاب وانا مع العصبية قلت للمدرس (والله لأطقك..............الخ ) و المدرس رد لي بالمثل المهم رن الجرس و طلعوا الطلاب ومرت الخميس و الجمعة بسلام جاء يوم السبت ولقيت المدير و المرشد مستقبليني عند الباب رحت لمكتب المدير وقلت له السالفة قال المدرس يقول أنك طقيته أنا قلت انا ماطقيته والفصل كلهم يشهدون قال حنا ناخذ بكلام المدرس ويمكنك انت وفصلك متفقين و انت الغلطان لأنك تكلمت بدون اذن ولازم نطبق عليك النظام سألت وش النظام قال لي
1-استدعاء ولي امر
2-خصم 15 درجة سلوك
3-احالة للجهات الأمنية
4-الفصل من المدرسة 5 أيام
5- الضرب
6-تعهد خطي من ولي الأمر
قال لي هذا اذا تنازل المدرس واذا ما تنازل
*الفصل من الدراسة سنتين والتعميم علي جميع المدارس بعدم قبولك
*الاحالة للجهات الأمنية
وقال لي هذا النظام صادر من الوزارةالمهم جاء أبوي وصدق كلام المدرس(دائم الأب مع جهة المدرسة ليش ؟) واعتذرت للمدرس وتنازل بس قالو المدرسة لازم تحب راس المدرس و تعتذر له سويت الي طلبوه وانا في نفسي حاقد على المدرس
مر يوم ويومين والمدرس غايب بعدين كلم الاستاذ على المدرسة قال لهم انه هو الغلطان علي وانا ما ضربته (عقب وش عقب ما قطعوا يديني ضرب) جا المدير وقال لي ان المدرس كلم وقال لازم نعوضك
على الي صار قلت له ابي الاستاذ يحب راسي (مثل ما سويت له)قال لي المدرس رافض يجي المدرسة وقال بنعطيك في السلوك و المواظبة درجة كاملة وبنعتذر لك قدام المدرسة المدرسة كلها في المصلى اعتذرولي المدرسة وعطوني شهادة شكر وتقدير بس والله ما يمر يوم الا وأنا ادعي على المدرس. أرجو من جميع من يقرأ القصة يأخذها عبرة لان ترى بعض المدارس ياخذون بكلام المدرس حتى لو كذب. وأبغى من كل من يقر أ الموضوع يقول بكل صراحة انا الغلطان ولا المدرس. و تقبلوا تحياتي
14-08-2007, 03:53 AM
***الطالب المظلوم***
العرض العادي
