وسط الحشاء دلال مركيه

[جابر ابن صويع]

اعزائ اعضاء منتديا العجمان السلام عليكم ورحمة الله وبركاته




يسرني ان اخص منتداكم الكريم بهذه المتواضعه واتمناى ان تنال اعجاب الجميع








لي ايام في بالي قصيده بلا عنوان=وعنوانها وسط الحشاء دلال مركيه
تفوح الدلال وحدها حامي النيران=وقلبي هواجيسي تخالف طواريه
أيبيتني الهاجوس وابحر بلاربان=والى اصبحت صبحني وكثر بلاويه
اشوف الاوادم قدم عيني لهم مسكان=ولهم بيت يسكن فيه ناس ٍ حراميه
ولاحد ٍ يجافيهم ولا يزعل الشيبان=وفرض احترام الشخص منهم جباريه
على عدنا حلووالا همهم ما كان=ورحب بهم فقراء النفوس الغناويه
خذوا جمته بدليهم واعطوا الا عوان=وحنا نطالعهم بعين ٍ رجاويه
وبعير البدو يشتال حمله وضعفه بان=يشيل الحمول الكايده روحه وجيه
يشيل الحمول اللي ثقيلات في الميزان=ويرخي لها الغارب وتقرب خطاويه
فيالله تسوق الغيث من رايح الامزان=وتسقي الديار الممحلات السناويه
وتسقي ديار الخير لا شحت الازمان=وتبقى لاهلها دايم الدوم مسقيه
ولا تعطي الحاسد ولا تعطي المنان=وتعطي الكريم اللي يمينه رهاويه
تدور الليالي والزمن والكريم امعان=ولا يخلفه جور الزمان ولياليه
واشوف الطيور اللي تحلق بلا جنحان=خذت مرقب اصقور س حرار ٍ ندايه
خذت مرقب الحر وخذت مرقب الشيهان=وصارت تقارب لنجوم السماويه
ولوانا خذينا العلم من هودهد اسليمان=يجي للامور احلول سهله وسلميه
لاكنا تخالفنا على سية ٍ واحسان=وكل ٍ يجيب ارائه حسب المزاجيه
وانا لي مع اهل الشعر وقفه على برهان=اجيب القصايد نظم والا ارتجاليه
اجيب البيوت الغامضه شطرها مليان=واجيب المباشر في نصوص ٍ عموميه
وعند النهايه يالله انتخسي الشيطان=وترفع مقام اهل الوجيه الحياويه
وعسى الله يعدل كل مايل على ماكان=وترجع مايه النهر تتبع مجاريه







اخوكم جابر ابن صويع