ياقصيدي صور احساسٍ دفين=في ضميري يرتفع صوت ويغيب
والمشاعر حالها مابين بين=مرةٍ فرحه ومرات كئيب
الصراحه ماعرفت الجا لمين=تايهٍ حيران وادور ذهيب
عايشٍ وضعي وربي لي يعين=مظطرب او متزن وضعي عجيب
درت بافكاري يسارٍ في يمين=علني القى سبب حالي المريب
ثم طرت لي نظرة الطرف الحسين=يوم واجهته وشفته من قريب
اشهد اني عقبها مثل الطعين=اذبحتني وتركت دمي صبيب
ماعرفت الحب من قبله بحين=ويومه اقبل كنه انسانٍ غريب
حدته دنياه واشقته السنين=وظن نفسه لو نزل قلبي يطيب
كنت اشوف اني عن ادروبه رزين=مايميلني ولو ريحه هبيب
بس........خلت القاسي يلين=انزلت به واعشب الرمل الكثيب
وابحرت بي في محيط العاشقين=صرت ربان السفينه للحبيب
06-09-2007, 02:35 PM
العرض العادي
