السلام عليكم
هناا محاورة الشاعر محمد ابو زيد والشاعر دافنشي
دافنشي
يامرحبابك يامحمد وقت تجبيـر الكسـور=اما نذوق امن العسل والا من السم الذحاح
لو ان حفار القبور يطيح في وسط القبور=ان كان قلت ان السما يزهابها نور الصباح
ابو زيد
دام البقا ولو كل طير يسوّي سواة الطيـور=أمّا الجناح يلحفـه ، وألا يطيّـره الجنـاح
الدآء يوجد له دوا .. والعلم معدن مايبـور=لو بارت أيمان الرجال اللي يزاهيها الوشاح
دافنشي
لابارك الله في عزيز النفس كانـه مايثـور=من دون حده لاغدا حده مـع العالـم مبـاح
والعلم سر ٍ مايطوّل لو خفا وسط الصـدور=مثل السجين اللي يدور لحظة اطلاق السراح
ابو زيد
بعد شبعت من الصحن ومن الغبايب فالقدور=نبغي الثنا منّك ، وأشوفك جيتنا تنقل سلاح
ماتدري إن الله شكور ، يفضّل العبد الشكور=لابارك الله في جمـالٍ ماتبـرّك فالمـراح
دافنشي
خابرك يابوزيد رجال ٍ علـى الشـده جسـور=وشلون يابو زيد قمت تخش راسـك فالسنـاح
انا اعرف ان طارق مع الله عابر ٍ جسر العبور=حتى تعلّت راية الاسـلام يـوم الكفـر طـاح
ابو زيد
أثر الفلسطن ماتملّ أيمانهم حذف الصخـور ؟=والمشكله غزّه ، وضفّتها ، ونصف القدس راح
قولوا لدفنشي خيمته لاتنبنـي بيـن القصـور=وإليا بناها لا يعذرب مصنـع خيـام الصبـاح
دافنشي
ترى البدو اغلى لحم في صحنهم لحم الجزور=واليا ضموا ما ياردون الا على الجم القـراح
حنا بدو لامن بنينا البيـت وافـي ومعمـور=وان كان بيتك زاح حنـا بيتنـا مايـوم زاح
ابو زيد
تبغون تصليح الأمور ، ومـا تعرفـون الأمـور=من شاف منكم نقع ماء ؟ عوّد يحسب إنه ضحاح
يابدونا صفّوا وصلّـوا وإطلبـوا الـرب الغفـور=يِرخص شعير أدباشكم ، من قبل طنّاب الصيـاح
23-09-2007, 11:11 PM
العرض الشجري