ليت الشقـا تطويـه الايـام يانـوف
وينزاح همً بيـن الأضـلاع خافـي
عوج الحنايا صمتها يشعل الجـوف
والشـوق نـارً والقصائـد مطافـي
لامطمحي شهره ..ولا مقصدي خوف
ولاهمنـي قـول العقـول السخافـي
أجُمـع الافكـار .. وألوفهـا لـوف
وأترجـم الخافـي لمعنـى القوافـي
وإليا إدلهم الليل ثم عـدت ماشـوف
يبدا العنا عندي .. واشيـل اللحافـي
اقرب المهجور وأبني على الطـوف
قيفان مـن راسـي تبيـح الخوافـي
وأشعل من افكاري قناديل وحـروف
واطـرق بحـوراً مالحقهـا خلافـي
حالي كذا يانوف والبـال مكسـوف
مثل العزاء لاحـل وقـت الزفافـي
مابين هم وليل واحـزان وظـروف
هـذه حياتـي كلـهـا وإعتكـافـي
شفت القزح قدام عيني لـه طيـوف
وذكرت طيفك والمطـر لـه نفافـي
لحظه مصافح : تجمع كفوف وكفوف
ولحظه مفارق : ودعـت باختلافـي
وانا طموحي عشق من حبها سيـوف
بنت الشيوخ اهل السيـوف الرهافـي
أحبهـا حـب المكافيـف للـشـوف
حبً لجـا بيـن الضلـوع النحافـي
واحبها حـب المعازيـب لضيـوف
حبً يصحي نوم مـن كـان غافـي
يالحظه : تجمع مواليـف بصـدوف
ياغايـه : تلمـس شفاهـا شفـافـي
متى على الله يسمح الوقت وتـروف
وترفق على قلـبً غطـاه الجفافـي
واللي يعاتبني عـن الحـب ملقـوف
اسمه كذا .. واعلنت فيـه اعترافـي
بدايتن اعتذر عن ابتعادي عن النت اليومين الي طافت
واتمنى ان تنال هذه القصيده اعجابكم
وكم عودتكم بتلك الكلمه اخر كل قصائدي
اللهم اني صايم
28-09-2007, 01:49 PM
العرض الشجري