فار دمّ الشمّري لاجلك وشاش

[فيـــصل الشمري]

فار دمّ الشمّري لاجلـك وشـاش=والقوافي من طنايا جتْ تهـوش
والزّرمْ نرْفزْ لوجهٍ بـه بشـاش=والطّناخه سكّـره مِـرِّ يجـوش
يابعد حيّي تـرى مابـه نقـاش=جيت وعروق الضياغم لي تنوش
من عقب ماضايقتْك اهل العشاش=وافْحموك بصنْع تاريخ مغشـوش
لايهمّك عذْل مـن دوره همـاش=مِسْرديِّ مانهـل عـزّ العـروش
مايطول من اللحم غير العـراش=ولا ينول من الكسب غير القفوش
سحْب صيفٍ ماورا برقه رِشاش=لاتهـشّ ولا تنـشّ ولا تحـوش
وانت يالعزوه مدام الحقـد نـاش=مادعى دمعتْك تكسـي للرّمـوش
قلْ هلي بيّاعـة العمـر فبـلاش=لاتعزْووا واطبقوا مثل الوحـوش
الطنايا مرْوِيـة حـدْبٍ عِطـاش=الطنايا العزّ والطيـب الرّهـوش
هم هلك ياعين من لارْضاك هاش=يوم كدّر خاطرك دفّ الدّحـوش

لـسيف الشمري