اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

 
 
أدوات الموضوع انواع عرض الموضوع
  #1  
قديم 02-10-2007, 05:07 AM
ترف الصبايا ترف الصبايا غير متواجد حالياً
 عضو جديد
 
تاريخ التسجيل: Jun 2007
المشاركات: 110
جابر وابوفيصل وعيسى وزايد قصيده رائعه لعبدالله بن علوش


للشعـب حكامـه وللشعـر ناسـه = ثنتيـن ماياتـن احـد بالـدراسـه
الحكم مايدرس ولا الشعـر يـدرس = بالتجربـه والموهبـه والفـراسـه
والشعر حتـى ام الظفايـر تقولـه = الحكم هـو اللـي يبيلـه شراسـه
وانا مـع كـل احترامـي لشعـري = اشعر بضعفه واستشـف انتكاسـه
قـدام اسمـاء لـهـا فالضمـايـر = هيبـة ملـوك وامـراء ورئـاسـه
جابر وابوفيصل وعيسى وزايد = قلب الخليـج وصانعيـه واساسـه
مشكور مـن فكـر بوقفـه وفيـه = اجـلال للتاريـخ وكبـار نـاسـه
بكى عليهـم كوكـب الارض كلـه = وقبل البشر بكى الخضـار ويباسـه
ببدابهـم علـى اسـاس انتمائـي = شمال ووجهي للجنـوب وحماسـه
ابـدا ببـو مبـارك لانـه اميـري = ولان فعيونـي عليـه انحبـاسـه
صحيح ما شفتـه ولا قـد لمحتـه = لكني ادري اني من همـوم راسـه
غرس علشاني وعلشـان غيـري = واجيال عقب اجيال تجني غراسـه
مافيـه نفـس تبغضـه بيـض الله = وجهـه بيـوم للوجيـه انعبـاسـه
يالله ترحم سيـدي الشيـخ جابـر = وتجعل ثرى الفردوس الاعلى مداسه
ويوم ظهرت من النويصيب مجنـب = ودخلت للخفجي ونفسـي محاسـه
كن الفهد يظحك بوجهي وانا ابكـي = يابوك لا تبكي الكويـت ومساسـه
والله وانا اخو نـوره ان استـرده = عندي لهم غير السياسـه سياسـه
انـا الفهـد لا ظيقـوا بالعـروبـه = ورجـع الوفـد الدبلماسـي بياسـه
ارمـي بثقـل المملكـه فالقضيـه = واغيـر السيناريـو مـن اساسـه
واذا تعـديـت الخـبـر للمنـامـه = من فوق جسر اسمه اغلـى لباسـه
لاقدم حضـارات الخليـج العتيـده = مرجانة الساحـل ولولـه وماسـه
قلت اللهم اغفـر لعيسـى وبيحـه = شيخ الشيوخ وباسهم عقب باسـه
توارثوا منـه الوفـى والشجاعـه = والحنكـه وبعـد النظـر والكياسـه
والحزم والعزم ابصيـره علـى ان = يتم حـل الوضـع قبـل انحباسـه
وواصـل الرحلـه الـى دار زايـد = شيخ عقب فقـده فقدنـا الاناسـه
الحكمـه وليـن الجنـاب ومزايـا = استغفـر الله كلبـوهـا مقـاسـه
خرب علـى حاتـم وحاتـم يحبـه = مافي كريميـن الخصايـل نحاسـه
غطى على جـود الاوايـل بجـوده = خذا الكرم سيفه ودرعـه وطاسـه
تحتار وانـت تفسـر ابـو خليفـه = كتاب داخل رجـل صعـب مراسـه
يـارب تشملنـا بعفـوك ولطفـك = الموات والاحيـاء عانـه وساسـه
وانا مـع كـل احترامـي لشعـري = اشعر بضعفه واستشـف انتكاسـه
قـدام اسمـاء لـهـا فالضمـايـر = هيبـة ملـوك وامـراء ورئـاسـه


التعديل الأخير تم بواسطة فيصل بن حجرف ; 03-10-2007 الساعة 06:10 AM
رد مع اقتباس
 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 06:45 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com