يأهل الهوى مابقالي في هواكـم لـزوم .!

[بندر]

صباح الخير .,

بنقل لكم قصيده لـ شاعر يعجبني جدّا

وبالاخص عجبني موضوع قصيدته ذي

مثل منتو بخابرين الحب ذالايام سلامات

ومفهومه تحوّل الى :

الموضه ,الِفتنْ , مخالفة التقاليد , التهاون بالاعراض , تعرّي عن القيم والشيم خلافاً عن الملابس .!

اترككم معها .,

لاضيّق الوقت صدري بين ليـلٍ ويـوم = وزادت عليّ الهموم وبانـت أعراضهـا

وأمسىَ بقلبي لصلفات الطواري وسـوم = والعين سامر نظرهـا بـارقٍ هاضهـا

وتاقت حيام الهجوس لصاملات العلـوم = اللي ورىَ الصدر مشتاهـا ومقياضهـا

ورّدتها لين تروى والخفـوق مْخـدوم = من جمّـةٍ يصـدُر الـروّاي ماغاضهـا

يأهل الهوى مابقالي في هواكـم لـزوم = خربَت قلوب العباد وكثـرث أمراضهـا

عُقب الوفا والصراحه والطرب والسلوم = شدّت طوال العلوم وحلّـت اعراضهـا

واليوم يأهل انفتاح التقنيـه والرقـوم = ماباقي الاّ رسـوم الحـب وأنقاضهـا

الحب مايتبع الموضه وطـرز الهـدوم = ويخلف مذاهب طيور العشق وألفاضهـا

والحب ماهوب رسمة قلب فيها سهـوم = مابيـن هاذيـك زعّلهـا وذي راضهـا

اليوم كل ٍ يصيد وكـل طيـر ٍ يحـوم = وكم صيدة ٍ شاع ماقعهـا ومنهاضهـا

لين اصبح الحب حربً مثل حرب النجوم = واللي ماتِرخِص شيمها تِهتَك أعراضها

والعز مأحد ٍ لبس ثوبـه بليّـا كمـوم = جعل المنايا تقـود الـلاش لحياضهـا

تصحى القلوب الجَبانه في الحلوم وتنوم = والليل يضحـك براضيهـا ومغتاضهـا

وتكتُب حكايات عشق ٍ من خيال الرخوم = وتجارب ٍ ماتبيّض وجه مـن خاضهـا

لكنّ لـولا التغيّـر والفتـن والسمـوم = ماكان جفّت ريـاض القـاع وفياضهـا

واللي تغيّر ماهو بس الهوى والسلوم = اليوم حتى الصداقه كثـرت أغراضهـا .!

لـ سعد بن مناحي بن شفلوت

[هتلر اليامي]

صــــح لسانك ولســـان شاعرهااااا ولاهنت علا النقل وصحت يمناك
وتقبل مروري

[ريــــــانـه العــــود]

بندر




واللي تغيّر ماهو بس الهوى والسلـوم
اليوم حتى الصداقه كثرت أغراضهـا .!

الله الله
رووووووعه

صح لسانه

والله يعطيك العافييييييييه على هالقصيده

[Najla]

الحب مايتبع الموضه وطـرز الهـدوم..ويخلف مذاهب طيور العشق وألفاضهـا

والحب ماهوب رسمة قلب فيها سهـوم..مابيـن هاذيـك زعّلهـا وذي راضهـا

^^^
^^
^

بنـدر ..

صـح إلسآن الشآعر / سعد بن شفلووت .. وتسلم يمينك على النقـل الكـريم ..


تحيآتىي ..

[سلطااان العتيبى]

بندر





لاهنت على النقل المميز والرائع دايم وصح الله لسان الشاعر المبدع والجزل سعد





تقبل مروري

[الـنايفه]

الحب مايتبع الموضه وطـرز الهـدوم
ويخلف مذاهب طيور العشق وألفاضهـا

والحب ماهوب رسمة قلب فيها سهـوم
مابيـن هاذيـك زعّلهـا وذي راضهـا


صح لسآن من قآلهآ...بندر لآهنت على آلآختيآر آلذوق

كل آلود

آم خآلد

[الجامحه!]

صــــح ـح نقـــلكـ ...!


و

صـــح ـح لســـان شــاعرهـا .!

قصــيدهـ رووعــه


لاهنــــت ..!

[عيد بن شدقان]

اليوم كل ٍ يصيـد وكـل طيـر ٍ يحـوم
وكم صيدة ٍ شـاع ماقعهـا ومنهاضهـا



صح سعد بن مناحي




ولاهنت يا بندر

[فهد بن مطلق]

وتكتُب حكايات عشق ٍ من خيال الرخوم=وتجارب ٍ ماتبيّض وجه مـن خاضهـا

هالله هالله لاهنت يابندر على الطرح الجميل وصح الله السان قايلها وتسلم يمين ناقلها



اخوك العود

[نـاصـر]

صح لسان ابن شفلوت

وعزالله انه صدق

بندر لاهنت على الأختيار الجميل

وأختياراتك تعجبني دايم

لاهنت