ازمة وعدت

[فيصل المشوط]

لمي دموعك وأبعدي لاتراضيني =الله كتب بأمر على البعد تدبير

جيتي بعد هجرٍهدم كل مافيني=من بعد ماراح الاوان بشره وخيره

حتى وجودك..صدقي الحين مشقيني=تكفين روحي لا تـزدين في السيره

مابيك من بعد المفارق تعزيني=عندي خليلٍ يفرق الكون في حيره

حبٍ غسل غدرٍ زرعته في شرايني=قلبٍ عشق قلبي..ولاأبدى معاذيره

وان كان بك قلبٍ على الشده معنيني=أناشهد انه غير كل الناس تأثيره

حبيبتي لا باعني الناس تشريني=تفدي بي الدنيا ولا ترضى لي بحيره

تعشق حروف اسم حملته وتغليني=ولاضاق صدري...فدتني بكل هالديره

مايوم لا مني بغيت الود تجفيني=ولا شتاقت لفيصل احس الشوق تأشيره

يالله عسى يفدي خطاها كل مافيني =ويفدونها العالم كبير العمر وصغيره

ماني من اللى يقتل قلوب بايديني=قلبٍ عشقني حرام اليوم تدميره

ومن باعني والله فقد تقديره بعيني=وطعم الغدر يعجز الوقت تغيره

اما غرامك...صدقي ماعاد يعنيني= ازمة وعدت..عسى في بعادنا خيره