قصيده : مـزايـن يـام . سـالـم بـن جـخـيـر

[طلال بن قطام]

تباشروا بي يابني عمـي لاجـا وقـت اللـزوم=وأنا أحمـد الله يـوم أنـا قـد المواقـف كلهـا
والشعر وهبه والعرب مابين معطـى ومحـروم=والرابـح اللـي يعقـد حبـال الشعـر ويحلهـا
واليوم هذا حسب عرفي غير عـن أيـات يـوم=يستاهـل انـي أبـدع أبيـات الشعـر وهلـهـا
جمعه وكيف وشعر ومزايـن وترحيبـة قـروم=ماباقـي الا سبحـة علومـي وجـيـت أفلـهـا
سلام تسليمـة وفـاء لأهـل العوايـد والسلـوم=من طنختـي ماعـاد أميـز كثرهـا مـن قلهـا
لكنها فـي عيونـي الثنتيـن تطـرد كـل لـوم=وتخلـي اللـي مانـوى يفطنلهـا يفطـن لـهـا
ويامرحبا ياسيـدي مشعـل قبـل كـل العلـوم=ترحيبتـن مثـل الجبـال اللـي يظلـل ظلـهـا
عروقها وسط الثرى وايلا أعتلت فـوق الغيـوم=تنطـق بهـا الألسـن لكـن قلوبـنـا محلـهـا
يامرحبـا بـك عـادك تنـوي علينـا بالقـدوم=ويامرحبا بك يـوم جيـت وجيتـك فـي حلهـا
أقلط على اللـي مـن وصايفهـا نسميهـا ردوم=يمنـاك تفعلهـا طـرب وان جاتنـا تفعـل لهـا
شوفك هنا يبهج خواطرنا ونسلـى مـن الهمـوم=تقبل لنـا الفرحـه بشوفـك مثـل مانقبـل لهـا
ياراعي الراس العنيد وراعـي القلـب الجـزوم=نظرات عينـك تعمـي عيـون العـداء وتخلهـا
اسمك على صدور الرجال أهل الوفاء مثل الوشوم=وقدرك سوات الفرض لاجات الصـلاه فصلهـا
وتقديرنا ماهوب في حـب المناكـب والخشـوم=ولاهوب فـي مصافـح يديـن وسلهـا وأسلهـا
تقديرنا لـك يعتبـر فـي كـوم والعالـم بكـوم=ومعزتك في صدورنا ماأظن أحـد ياصـل لهـا
الا طويل العمر عبـدالله عسـى عمـره يـدوم=هـذاك بلحالـه سـكـن بقلوبـنـا واحتلـهـا
القايد العدل الصدوق الوافـي الصلـف الرحـوم=الشامـخ اللـي يجـرح كبـود العـداء ويعلهـا
من حبنا له لاغفينـا شـوي جانـا فـي الحلـوم=وحتى العقل مـن حبنـا لـه تعتـدل ونصلهـا
لاشـاش ششنـا كلنـا مابيـن حاكـم ومحكـوم=والمملكه مثـل الهنـوف وتعتـزي فـي خلهـا
حنا حماة الدين وحماة الوطـن مـن كـل قـوم=حنـا لهـا لاقيـل ياشعـب الوفـاء يامـن لهـا
حنـا قبايـل يـام صلفيـن الفعايـل والعـزوم=وايـلا مشينـا لـلـدروب الكـايـدات ندلـهـا
نشوم عن درب الـردى واللـي يوالينـا يشـوم=ونفوسنـا ماعـاش مـن ياتـي يـدور ذلـهـا
عاداتنـا ناقـف لقادتنـا وايـلا قامـوا نـقـوم=ناتـي لهـم وأرواحنـا فـي كفوفنـا نشتلـهـا
نبيع فـي سـوق المنايـا مابعـد جينـا نسـوم=وأيـات حاجـه لابغينـاهـا نـجـي ونتلـهـا
حنـا أهـل البـل لاتعصبنـا وشمرنـا الكمـوم=نعـرف طبايعهـا ونعـرف دقهـا مـن جلهـا
من دونها ناقف بحد السيـف وأقـواس السهـوم=ونارد حيـاض المـوت ونكـرع بهـا ونعلهـا
على عزاوينـا تجـي وتـروح مافيهـا وسـوم=وايلا أقبلت قمنا نجـر الصـوت ونعوبـل لهـا
هـذي عوايدنـا وهـذا قسمنـا بيـن القـسـوم=لـو ماتكلمنـا بهـا فــي عيـونـا تحلـهـا
وهذا بفضل الله وفضل اللي يضـدون الخصـوم=خيالة العوجـاء ايـلا جـات السيـوف وسلهـا
من الملـك الـى ولـي العهـد للقـاده عمـوم=اللابه اللـي لاأحتمـى الميـدان تشفـي غلهـا
الحمـد لله والشكـر والشـك مبعـد ومـعـدوم=والعاقـل الـلـي لاتكـلـم كلمـتـه مازلـهـا
انتوا سمانا والسمـاء فيهـا الكواكـب والنجـوم=أقولهـا واللـي عقـد روس الحـبـال يحلـهـا