ال ثاني و الشلاقي (صوت وصدى)

[الشلاقي عز]

(صــوت و صـــدى)
قصيــدة للشيخ /سلطان بن سحيم آل ثاني

يا خيمة بالرمل تلعب بها الريح =في تل قفر معشب السفح خالي
فيها النفل و الزهر و الورد و الشيح =والذيب يطرد جافلات الغزالي
والجمر له ولعه و للنجر تصريح =وتشوف زول مهيلات الدلالي
وأمشي بوسط الرمل و أقوم و أطيح =وودع الأحزان طول الليالي
وأكتب قصايد وأنشد الشعر وأصيح =وأنسى هموم القلب رايق و سالي
والطل فوق الزهر ينهل و يسيح =ويغرد القمري على رجم عالي
جات الظبى ولها مع الرمل تسطيح =تلعب معه بهم الربوع التوالي
وقت السحر حانت صلاة و تسبيح =والجو صافي مثل نور الهلالي
أحب من قصر رفيع بتسليح =في وسط لندن غيمها سم حالي

قصيدتي التى جاريت بها الشيخ سلطان ...

ودي بشوف البر عقب التباريح =في خايع مسقيه مزنن خيالي
يحوي زهور ريحها جابته ريح=بالقاع أشوفه كنها كالزوالي
والطير بالجنحان له دوم تلويح =ويغرد و يملا الفيافي جمالي
في خايع مافيه ذود و مساريح =ماطبته رعيان تقفى الحلالي
ياما حلا تدويجتن به وتصليح =ادلال رسلان بها الكيف سالي
وأسوقها للى معي من مفاليح =أهل السطر و أهل العلا والمعالي
ونجاذب أطراف القصايد متى تيح=ونردده أليا أسود الليل طالي
هذي طرات البال شفه يابومليح =عندي كما شرب القراح الزلالي
وختامها مني صلاة وتسبيح =بختام قول قلته وقد بدالي

عبدالله الشلاقي (الشلاقي عز)

[فهد بن مطلق]

لاهنت يشلاقي زالله قصيده واااافيه من رجال ٍ وافي


وصح الساان والسان سلطان بن سحيم



تقبل مرووري

[نـاصـر]

صدى وصوت

صح لسان الشاعر سلطان بن سحيم

وصح لسانك يالشمري

لاحظت ان جميع قصايدك لاتتعدى مجارات القصائد اللتي تثير وتهيج قريحتك

ياليت نسمعلك او بالأحرى نقرا قصائد خاصه بك غردت بها خارج السرب

بانتظار جديدك ياعبدالله وأنت مكسب للمنتدى بصفه عامه ولصدى المشاعر بصفه خاصه

تقبل مروري

[الشلاقي عز]

المشاركة الأصلية كتبت بواسطة العود

لاهنت يشلاقي زالله قصيده واااافيه من رجال ٍ وافي


وصح الساان والسان سلطان بن سحيم



تقبل مرووري

لا هنت لا هنت يالعود ...صــح بدنــك يالغالي

[الشلاقي عز]

المشاركة الأصلية كتبت بواسطة Nasser

صدى وصوت

صح لسان الشاعر سلطان بن سحيم

وصح لسانك يالشمري

لاحظت ان جميع قصايدك لاتتعدى مجارات القصائد اللتي تثير وتهيج قريحتك

ياليت نسمعلك او بالأحرى نقرا قصائد خاصه بك غردت بها خارج السرب

بانتظار جديدك ياعبدالله وأنت مكسب للمنتدى بصفه عامه ولصدى المشاعر بصفه خاصه

تقبل مروري

صــح بدنـــك يا نـاصر ....

و ملاحــظتك في محــله فقصائدي أغلبها هي أتت بسبب شي أثار قريحتي
وأكثر مايثير القريحة لدي القصائد التى تعجبني ....وانا لدي قصيــدة من
أوائل ما كتبت وهي ليست بعيــدة عــن الردود على الغير ...ولكن ليست على شاعر
وأليـك قصتــها ....كنت أتابــع التلفزيون وكان هـناك أستفتاء للمقبلات على الزوج
عـن أمنياتهن عن زوج المستقبل و تنوعت الردود ...هـذه تريده شكـل وهذه تريده
مضمون ..وذيـك تتمنى وهذي ..وهذي ..المـهم كـان لقاء مع أحد الفتيات في البرنامج
عن فـارس أحـلامــها ..فقـــالت أريده صــاحب مــال و هذه هي أمنيتي .....


فسأني الامر و كــانت هـذه الابيـــات بمثــابة رد على هذه الفــتاة و كل فـتاة
لا تريد من الزوج غير المـــال ......

يابنت راس المال حرفي و قصيدي=قافي ترا عزي ومجدي والامجـاد
اما الذهب والمال ماهـو باايـدي=تلقيه عند اللي لـه المـال ينقـاد
بيل غيتس ولا بن طلال الوليـدي=اللي لجمع المال يرقـون الاسنـاد
يابنت كثر المـال مالـه مفيـدي=ياصار ماللطيب منفـذ بالاجـواد
وغير المراجل والكرامـه يبيـدي=يعيش لحظـات ومـن ثـم ينبـاد
وعن غير هالدربين ماني محيـدي=امشي عليهـن دون ايـت تـرداد
امشي عليهـن بالطريـق البعيـدي=ولا سلوم البـدو ماعنـه محيـاد
اما دروب السوء عنهـا احيـدي=ابعد كثر مااقدر عن دروب الانقاد
وانا رصيدي وان بغيتـي رصيـدي=من فضل رب البيت كل يوم ينزاد
بالعقل والاخلاق مانـي زهيـدي=بالطيب والمعروف ماعندي انـداد
يابنت طبع الطيب يمشي بوريـدي=ورث ورثته عز من عز الاجـداد
وهذا كلامن قلت ماهـو جديـدي=عايش عليه سنين وسنيـن وامـاد