لــو كــان فــارس كــان نــازلــتــه !

[مناحي الصميل]

اهديها لكم بعد غيبه ليست بالقصيره

الحب لو كان فارس كان نازلته = الأرض أرضي وذا الميدان ميداني
الحب كايد ولكنّي تساهلته = يا لعنبو ذا المحبّه كيف تجفاني ؟
احلى تعامل مع قلبك تعاملته = وأرقى مشاعر محبّه وسط قيفاني !
حتى الخط بس لعيونك تجاهلته = وان زاد همّي علي قلت العمر فاني
يا نااس قلبي معذّبته ومهملته = من بعد ما كان عالي صار متداني
( تقول ) : قلبي انا ذالحين قافلته = يستاهله واحدٍ للحين ما جاني !!
( وانا أقول ) : الحكي كلّه تحملته = وسريت لجلك طريق الليل وحداني
والموت فزّيت في وجهه وقابلته = لأن العمر بيد ربّي عالي الشاني
فكّرت بالوضع ورتّبته وحللته = لقيت كل النتايج وضعها ثاني
يا واحدٍ في شعور الحبّ بادلته = ميّز دروب الوصل عن درب حرماني
للقلب عندك ملف .. خلّص معاملته ! = أبغيك تختم على قلبي ووجداني
ما دام حبّك مرض تصعب معادلته ؟؟ = بأقول يالله يا معبود تبلاني

وسلامتكم ..