عتيـــــــبه الهيـــــــــــــــــلا

[تركي السلمان]

ابا ابدع الابيات واكتب علـى ذوق=وابـدي بعلمـي والنوايـا سليمـه
البيت وزن البيت مبنـي وملحـوق=والناس قالو يعقـب السيـل ديمـه
اعتيبه الهيلا لها اعروق واعمـوق=صفوة هوازن والرجـال الحكيمـه
من دونها برقا ومـن دونهـا روق=اهل المهار الـي عـدت بالعزيمـه
عدوهم يطـرح وبالرمـح مدقـوق=فج النحر موتـه سـوات البهيمـه
كم واحدن روح على الراس مفلوق=واقفت ضعونه عقب ذاق الحريمـه
ياعزوتي وانجا السما رعد وبـروق=وثار العسام وصار فالجـو غيمـه
حاضر بحاضر مالنا فيـه مفهـوق=نطعن ونوجـع مانـذب الخريمـه
وعاداتنا نطعن على كـل معلـوق=وسيوفنا فينـا ماترضـى الهزيمـه
ربعي هل الطالات سقم العدا عـوق=عوق الخصيم اليا تحـدا خصيمـه
ربعي مقابيس الوغى مجدهم فـوق=فوق الثريـا مجدهـم والـه قيمـه
مجدن ثبت وسط الجزيره له اشروق=اشرق عليها ليـن جلـى الظليمـه
ربعي هل العادات كسابـت النـوق=يـوم الحرايـب فاليـال القديمـه
اخيارها وازيانهـا مادخـل سـوق=تبقى ولا نرضى عليهـا الهضيمـه
لعيونها نرخص لهاا الروح ونسوق=اغلـى مانملـك باليديـن الكريمـه
والبيت للضيفان ماهـوب مغلـوق=امشـرعـه بيبانـهـم للعزيـمـه
يلقون فيها الهيل والعود محـروق=وزود الشحم للضيف قـدم وليمـه
يا مصر وين الملك من بعد فـاروق=فـاروق مـات ولا بقـى الايتيمـه
من دونها قفلٍٍٍ على الباب مطبـوق=انجيتلـه نشبـه وكسـره جريمـه
ياحض يالي ماعلى حالـك شقـوق=شق الطريق ولو على شداد ريميـه
قول الدماسي ماحصل فيه مسـروق=والراس صاحي والمراجـل مقيمـه