مـــاعـــاد فــيــنــي!

["اعتذار"]

مصافحة أولى مع نبض مشاعري فإليكم مع خالص التقدير

يابحر جيتك وهم القلب طاويني = ما عاد فيني كرهت الكون بغيابه
يا بحر مالي أحد غيرك يواسيني = الحزن خيم وهمي نوخ ركابه
يا بحر شوق الهوى يمه يناديني = والعين في غيبته بالدمع سكابه
أربع سنين مضت خلي مصافيني = يذود عني وستري غالي ثيابه
صافي المحبة وطيب القلب معطيني = كنت أقرب الناس له وأغلى من أقرابه
يقول حبك ترا يا الريم معميني = عن باقي البيض قلبي محكم بابه
يا متعبة من بغاك ويا منى عيني = تاج الغلا يا الأميرة أنت أولى به
لبيه يامن فراقه حيل كاويني = والروح من سبته عطشى ومنصابة
قرة عيوني أبيه إن جاء يخاويني = لأنه حبيبي وقلبي والله أدرى به
بسمع علومه ولاغيره يحاكيني = همسة شفاته نغم وحروف جذابه
نظرة عيونه من جروحي تداويني = أنسى الحزن لا تبسم وأتهقوى به
ما يلتفت للعواذل لو حكوا فيني = وشلون ماأقدره وأموت بترابه؟؟؟

وسلامة عيونكم