قصيده ابن شلحاط في ابن شرفان

[ناصر بن فالح]

السلام عليكم

هذي القصيده الذي ألقاها مانع بن شلحاط في ديوان بن شرفان يوم الأحد بتاريخ 18/11/2007م

بسم الله الرحمن الرحيم

الأخ النائب عبدالله بن مهدي بن شرفان الشولاني .... سلمك الله

تحية والسلام وبعد,,,

أبتديت إبـ ذكر من ذكره طقوس إعباده=مالنا قوه ولا حول إبليا حوله
جل شأنه ما أيصير إلا ما شاه وراده=نهجنا سنة نبيه والشريعه قوله
وبعد ذكره كثر حكي البدو من رداده=بس كثر الحكي لا فكرت ياوشهوله
فالخيلج اليعربي ما يفعم القصاده=كود شعر يحمل أسمي ذربه ومعسوله
شاعر ماني من أدنا السوق للمداده=يعزل الطواش داناته ويعرف لوله
مات أبوطيب ولكن حطني فأشداده=وأقتديت إبـ سبويه ومنهجه وأصوله
ثاني رجلي مع أهل الشعر للنقاده=بس مال النقد وأهله فالجزيزه صوله
من يرد العلم مني كاش للنشاده=إن هوات الشعر فضوا مخزنه وقفوله
لين رخص العود الأزرق وأنكسر كداده=الله أيرده مثل ماكان توله توله
ياسلام الله سلام يطبخ بقناده=عشرة إدلال أتصب ومثلها مزلوله
ريحته فيما أحتوى ورد الجنوب وكاده=وطعمته طعم الخلاص إليا أنتصف أيلوله
ولونه إبـ منظر قزح وألوانه المعتاده=فأول الوسمي ضحا بعد أنفصاخ الشوله
هكذا طعم السلام وريحته وإعداده=ما أيكود اللي أيوصف حاجته بسهوله
في رضا زحل مطانيخ العرب تردتاده=مفلحي يبهج عيون تفوز إبـ زوله
كل مابه زحل قوم إبـنبرته وإعناده=وعزمه ورايه ودبرة فكرته وإحلوله
وجانبه دمث ليان ولـ قدح بزناده=قلت:هذا العود الأول من صهيل خيوله
داحم بكتفه قدم حتى دخل فـ القاده=ثم خذا بين القبايل جولتين وجوله
وفزعته يطمع بها القاصين وسط بلاده=وأعتلا ذكره مع الركبان وأدوي ضوله
جعل تسقا ساعة تمم له إبميلاده=وساعه أخرى بليلة طلته وأقبوله
ياعيال أعجيم وأعفاكم بأقول إشاده=أسمحوا للضاعني شعره أيدق أطبوله
والله أني ما أفتري كلمه وأقول إزياده=ياعسا جمله هروجي عندكم مقبوله
في محل ضويه تصطقل وقاده=تجذب الساري ماهي هيتر ولاهي كوله
عند بن شرفان أروحبوا وأرحبوا ياساده=قلتها نايب حكي ولا الفعول أفعوله
عقبها من هجرة الدامر لفيت أوفاده=صوب عبدالله بدون قصور فاللي حوله
جيت لك يابن مهدي الهرج دون إعاده=طالب جاهك وجاهك لبن عمك دوله
قول تكفى ما تقال إلا لـ من له عاده=يامردي فـ الكويت وبد كل إزحوله
غار تكفى ياعبدالله وأبن عمك ناده=في نهار يلتفت لك بارك بحموله
والسلام أختامها وأنا عمى القصاده=لـ دويت بـ لحظه من عالمي معزوله

مانع بن شلحاط

[البليهي]

حجز 1 ولي عوده

[كرباج]

صح السان الشاعر الكبير مانع بن شلحاط


وبن شرفان يستاهل





لاهنت

يا ارسطوو

[الــحـشـاشـــه]

صح لسان الشاعر الكبير / مانع بن شلحاط


ويستاهل النائب عبدالله بن مهـدي

[@بنت الشيوخ@]

ارسطوو

صح الله لسااان ابن شلحااط ولاهنت على النقل...



تقبل مروري وتحيااتي..


بنوووته..

[صـــبـــــــــا]

صــح لسان ابن شلحاااط على ذالقصيده
ويستاهل ابن شرفان من يقصد له

تسلم اخوي ارسطووو على نقلك للقصيده
دمتـــ

[aL_CaBoNi]

خوووووووش قصيده

يستاهل بن شرفان

[سمـــوم]

رائعه رائعه


صح لسان ابن شلحاط

ويستاهل نائبناا


وبعد ذكره كثر حكي البـدو مـن رداده
بس كثر الحكـي لا فكـرت ياوشهولـه

8
8
8
صادق


تسلم الايادي يا ارسطووو

[al-3deeeem]

صحت يمينك ارسطووو
وابو مهدي يستااااهل وصح الله لسان ابن شلحاط
عزالله ان ذا طرقه ومواضيعه ؟؟؟؟
تقبل تحيااااتي

[أبوفزاع]

صح لسانك يابن شلحاط


ولكن بانتظار قصيدتك النهائية عن ابن شرفان

فينقشع الغبار قريبا

لترى بأم عيينك مارأى العجمان ممن خذلهم