قصيده لاتقال عنها قصيده بل دره لـــــ شاعر ( محمد مريبد العـازمي )

[فهد بن مطلق]

اعتقد شخصياً انه لا يزال الشعر الحقيقي الجزل بخير عندما نرى نصاً كهذا النص المليء

بالابداع 000
قصيده اتمنى ان تليق بذائقتكم الشعريه

لـــــ شاعر ( محمد مريبد العـازمي )


بين ايديكم

صلوا على النبي

!
!
!
!
!
!

!

العمر فرصه والحيـاه ايـام والدنيـا ظـروف=والمشتبه فالامر ما بين الحـرام مـن الحـلال
والشعر ديوان العرب وانـا بشعـري فيلسـوف=أترك أدقاق الشعر وأنقى مـن معانيـه الجـزال
والبارحه صدرالجنوب يضيق وتسوق الحسوف=وين أنت يا صدرالشمال أحتجت للفزعـه تعـال
وردت مجاهيم الليال أحيام ورياحـي شعـوف=من يوم وقفني بدرب العشـق يسألنـي سـؤال
وأقوله بيني وبينه يـا عسـا الحـب مخلـوف=ان مارجع ربحـه علـي الله يـرده راس مـال
كم لي وأنا تكويني الدنيا علـى روس الكتـوف=وأشيل ما لا أطيق من شانـك وأحملـه الجبـال
ومديت لك ريحانة الاشواق في بيض الكفـوف=قبل يجـف العطـر والاوراق تدفنهـا الرمـال
وقفتني بالشـارع الضيّـق وممنـوع الوقـوف=مسار واحـد والمصيبـه لا يميـن ولا شمـال
تقول طوّفها معـي واقـول عيـت لا تطـوف=اجيبهـا منـا تجـي منـا و لا فيهـا مجـال
الحب ما ينفع معـه فزعـه ولا واو معطـوف=الحب لو زالت جبال الارض ذكـره لا يـزال
يرقا على رجم الغرام ويخدمه نبض الحـروف=اشوي من نسج الغلا واشوي من نسـج الخيـال
وش عاد لو غنيت طاروقك وصفيت الصفـوف=صفٍ يبا ياقف معي وصفٍ اليا من رحت شال
والله لتبطي ما وصلت ادنى مواصيل الهنـوف=الجادل اللي دمعها لارحـت والا جيـت سـال
الجادل اللي طيفهـا عنـدي ولا كـل الطيـوف=ام الحـلا / ام الغـلا/ ام الدلـع / ام الــدلال
اللي هداياهـا ملـت كـل الزوايـا والرفـوف=يطلع ابطلتها بـدر ويغيـب لا غابـت هـلال
وانـا اقدرهـا مثـل تقديـر حاتـم للضيـوف=وأطرب على فيّة غلاها كل مـا مـال الظـلال
واعيشها عيشة عمر مابين أمـن وبيـن خـوف=وازرع لها شعري وهي تسقيه من غيث الوصال
حتى خذتني عشق وانا خذتهـا رغـم الانـوف=واسكنتها روحٍ عن أهروج البشر منفى اعتقـال
والا أنت قربك ما يشجعني وفرقـاك امعـروف=أقلط على نزف الشعـر والفـال يقفـاه العقـال
حتى لو أنت ألذ مـن تمـر المدينـه والهفـوف=أرحل ترى أيامك خضر لكن ترى أسنينك اهزال
وفر أدموعك دام دمعك مر والـدرب امحفـوف=جعلك فدا من هلـت ادموعـه علشـان ابتهـال

تقبلوا جل تحيااتي