::: الصاحب الطيب :::

[نوف السديري]

.

السلام عليكم و رحمة الله وبركاته
صباحكم جوري
و
مسائكم ياسمين
.
من أرشيفي نص شعري يعبر عن موقف

::: الصاحب الطيب :::

الوقت يكشفلك عدوك من صحيـب = وقتٍ تعزي فيه من كثر الأصحـاب
لا خانتك عبره ودمعـك تصابيـب = دور لها ياصاحبي كثـر الأكـواب
لا قيل وشلون الجروح المعاطيـب = افرح وجاوب جعل تفداك الاهـداب
طبع الزمن يبعد اظعون الاصاحيب = أمسح دموعك وإحتضن هم الاحباب
دام الليالي فـي قدرهـا تعاجيـب = احذر توطي للردي روس وارقـاب
الحر دايم في اخشـوم المراقيـب = ينسى همومـه لاتعـلا بمرقـاب

.
عسى ان تنال الرضا و الاعجاب
تحيتي و تقديري \ نوف السديري

.