برق سنك وانا لامن برق سنك أجيك هايم
ولا أدري جيتي لجلك أو إني خايف من الموت
تغيبين وتصير الثانيه حسبة دهر وأعوام
تجين وتنقلب صحراء غيابك فضه وياقوت
على صدرك نعس حلمي..نعس حلمي لكن مانام
وعلى صدري قصيد الوصل واحلام الهوى منحوت
متى بقدر اعاند رغبتي في سجة الأقدام
متى بقدر افضفض عن هموم الخافق المكبوت
ياليت القلب يومه في غرامك طاح..طاح وقام
ماكان إن جابوا إسمك ياغناتي جا يجر الصوت
ويعني لي متى ندفن هوانا في ثرا الأوهام..؟
حرام يكون آخر كل هذا الشوق في تابوت
كذا نخفي محبتنا كبر وقلوبنا تنظام
مع إنا نعترف بإن الكبر بين البشر ممقوت
لنا من يوم طاحت عيونك في عيوني عام
ترا ماعاد هي قصه علاقة عابره وتفوت
تعالي نكتب حروف الهوى ونكسر الأقلام
تعالي نغرق فبحر الغرام ويبتلعنا حوت
تعالي نسهر ونعلم الدنيا شلون تنام
تعالي نكتب ونخلي العالم حروف بيوت
تعالي نبتسم لجل العواصف تفهم الانسام
تعالي نحتضن لجل الشتا ماعاد يلمح كوت
تعالي نسكر بهمس الهوى ونكنسل الأيام
تعالي نغمض عيون الحزن جعل الحزن للموت
عشان عيونك اللي علمتني قصة الإلهام
وعشان شفاتك اللي فسرت معنى سحر هارونعشان الصدق وجروح المحبه واطهر الاحلام
عشان نغني الضحكه قبل ماهو يفوت الفوت
عشاني ماأبي ندفن هوانا في ثرا الأوهام
حرام يكون آخر هذا الشوق في تابوت
22-12-2007, 10:49 PM
العرض العادي
