قـصـائــد مـّن ذهــب لـلـشـاعــر ســعــد الـحـريّــص

[موكب]

السلام عليكم ورحمة الله وبركاته

هـذه الصـوره التعريفيه الجميـله للشـاعر العـذب // سعـد الحريّص ..



الشاعر سعد الحريّص

شاعر أنصفه جمهوره ولم تنصفه الصحافه كتب قصيده متفرده تنظر لدواخل الأشياء أكثر مما تبدو عليه في الظاهر عجز عن مجاراته الكثير

كتب عن حرمانه ... وكتب عن صمته ... وحزنه ... فأبدع أيما إبداع .. ووقف ضده الإعلام فتره

وأقصد بالإعلام هنا الصحف والمجلات التي تعنى بالأدب الشعبي ..

وكل ذلك لأنه لم يسير على النهج الذي إختطته الصحافه لإنصاف المبدعين والعجزه

فسعد الحريص .. كما يقولون انه صعد للقمه بدون إستشارتهم والصحيح أنه نزل إلى القمه ؟؟

سعد الحريص .. ظاهره لن تتكرر في الشعر النبطي الحديث .. بدايته ونهايته ؟؟

بدأ كالعاصفه أو أشد قسوه .. لم يأتي كما يفعل الكثير بإطراء الكبار من الشعراء وكسب ودهم

ومن ثم الوصول إليهم وإلى طبقتهم عن طريق مهادنة محرري صفحاتنا الشعبيه لا بل أذكر من أوائل قصائده كان يقول .

أنا ماجيت أعدل منعوج ,, جيت أعوج المعدول=وأشب النار بطراف القصايد وأشهر سيـوفي

سألوه حينها من أنت ومن هو المعوج ومن أين جئت وكم ترتيبك . ((السؤال الأكثر والأغبى ..المتداول في ساحتنا الشعبيه)) .

فقال أنا الثاني وضعوا من ترتضونه أولآ .؟؟؟

وربما هذا ما أخاف الكثير من الشعراء المحسوبين على الشعر فأخذوا بمحاربته وإزداد بساله وشجاعه فأنشد قائلآ

إن رحت ياكثرهم وإن جيت ياكثري=ضاقت بي عيونهم لو كنت وحداني

ولكن لم يدم صموده كثيرآ فالجماعه تغلب الشجاعه كما يقال فإبتعد برغبته

وترك كرسي القمه شاغرآ إلى الأن

حين قال

من جزم نفسي يوم صار الردى طيب=حلمي قبل لا يكسرونه كسرته

ثم صمت بعد ذلك طويلآ وعاش وهو يغني للصمت يقول

طال السكوت وما لصمتي مطاليب=غير الكلام إللي وقف وإنتظرته

ويقول أيضآ

وااا صمتي إللي صار فـ عيونهم عيب=وااا جرحي إللي لو فضحني ... سترته

ويقول في رد على رشيد الدهامي

ياصاحبي لا تكسر الروح بالروح=من علمك يارشيد تكسير الأرواح
ودي على الكلمه وودي على البوح=مير العيون إللي تصافحني إشحاح

هكذا هو دائما حتى في عتبه لا يفارقه طابع الحزن ومناجاته للعيون فكانت نظرته
أن العيون هي المحرك الرئيسي للشاعر في محبوبته أو لمكانة شخص ما
فهي في العين لا القلب يقول

ياصاحبي مجروح أنا منك مجروح=ياللي تغير في عيونك ... محلي

يقول أيضآ في قصيده أخرى عن حزنه

غنيـت للدمـع يومـن البكـى كـبـري=واليوم ,, أنا أكبر من دموعـي وحرمانـي

نعم هذا هو سعد الحريص الشاعر الرقيق الحزين يقول في أحد أحزانه .. أقصد أشعاره


إن تركتيني في ليلي صرت قارب حزين ؟؟؟؟؟؟


أنظروا إلى التشبيه لتعرفون مدى حنين هذا الرجل

أذكر حديثآ عندما سئل مره أخرى السؤال الغبي المتكرر ماهو ترتيبك بين الشعراء الأن وبعد إبتعادك المريب عن الساحه ؟؟؟؟ فأجاب

الشاعر الجيد كالصقر والصقور لا تطير أسرابآ.

وأسباب هذا الغياب تظل أسيره في قلب شاعرنا سعد الحريص .

وأترككم مع أروع قصائد هذا الشاعر الكبير




.....!!! حادي العيس !!!.....

البارحه غنيت ياحــــــــــادي العيــس=واليوم صمتك عن عيوني حــــداني
اليوم تلعب بـــــــــــي رياح الهواجيس=ولا أدري عشانك ضيقتي ,, أو عشاني ؟؟
مابين لوعات الجفا والوســــــــــاويس=البرد ساكن فـ إرتعاش المـــــحاني
وأنا حبيس الصمت سجن الأحاسيس=ضاق الزمان ولا وسعنـــــي مكاني
والنور طعمه في عيون المحـــابـــيس=مرٍ مثل طعم الكلام بلـــســــــاني
متى بشعري يزهرنّ الكراريـــــــــــس=ومتى بقلبي يمطــّـرن الأغــــاني
بيت الشعر ماهو كلام بــــقراطيــــس=ليت القصايد بالدفاتر مبـــــــاني
والله ليفرق شعر من يرجي الكيــــس=عن شعر من ينحت صخور المعاني
ويبان فرقي بإختلاف المقايــــــيــــس=حتى تحس بصدق وش كثر أعاني
وإلا الأماني راس مال المفاليـــــــــس=عزي لمن كانت جداه الأمـــــــاني

****


.....!!! برد المكاتيب!!!.....

هب الجنوب وطاح برد المكاتيب=وياكثر ماهب الجنوب وذكرته
يملا حضوره من حضوري ,, وأنا أغيب=وياما غيابي في غيابه حضرته
إن جا مطر ,, صارت له أضلوعي شعيب=وإن راح ريح(ن) طير إللي بذرته
طال السكوت ومال صمتي مطاليب=غير الكلام إللي وقف وإنتظرته
جنبت لو مالي عن الدمع تجنيب=من وين ماصديت فيني شعرته
واا اصمتي إللي صار فعيونهم عيب=واااا جرحي إللي لو فضحني سترته
لي صاحب(ن) يملا كفوفه تراحيب=لولا الحيا من ضحكته ,, ما إعتبرته
ياصاحبي ماهي عليا مقاضيب=عذروبي إنك ذخري إللي ذخرته
عذروبك إنك شوهتك الأكاذيب=عذروبك إنك جاك طيب ونكرته
إن جيتني بفراق زود العذاريب=لأجيك أنا من زود صبر صبرتــه
للطير جنحان وريش ومخاليب=لكن يضيع صيدته في غبرته
ومن جزم نفسي يوم صار الردى طيب=حلمي قبل لا يكسرونه كسرته
ومن راح مني قـلت ياعله مصيب=دورت له عذر(ن) كريم وعذرته
للي يبي بعدي ,, أنا ماني قريب=أما ربحني ,, ولا أنا مـاخسـرتـه
قلبي خويي ما لقلبي معازيب=وإللي حقرني من رداه إحتقرته
رغم الجروح إللي بقلبي معاطيب=حبيت كفين الزمــان وشكــرته

****


.....!!! تعالى نهيم !!!.....


تعالى نهيم
فى دنيا المطر والغيم
ولكنك000
تخافين00وتخافين00وتخافين
وعندك شي تخفينه00
وأنا أحب المطر .. وأنتى تخافينه
ولا أدرى سبب خوفك ؟
ولا ظنك بعد000تدرين!!
تخافين المطر00
لا يبلل ثيابك
تخافين الرعد00
لا يرعب أحبابك
تخافين أن لمع البرق000
فـ عيونك يبان ما تخفين.
أبركض فالمطر00وأبتل
وإذا أرعبك المطر ليله000
أنا أرعبنى الجفاف سنين00!!


****


.....!!! كل الدروب !!!.....

هذا الكلام جروح وأوجاع وأشواك=كنّي على طول السكوت مغصوبي
أزعلت ذولا .. لجل يرضون ذولاك=لا مرضيٍ نفسي ولا هم رضوبي
تعبت أقلب في يديني هداياك=وتعبت أشاور توبتي في ذنوبي
لولا الزمن .. لولا الليالي ولولاك=ماصار طيبي دوب حبك ودوبي
هب الهوى يمك وبانت خفاياك=ولا عاد لك قلب يميل للهبوبي
أول عيوبك في عيوني مزاياك=واليوم ميزاتي بعينك عيوبي
وكانك تشوح اليوم منا ومناك=والله لا أرجع كل الأنظار صوبي
وإن قلت أنا بنساك .. يا سرع مانساك=من قبل ينشف عطرك إللي بثوبي
الشمس باكر فيك وإلا بلياك=ماهيب لا موتي ولا هي غروبي
وإذا إنقطع درب يجيبني بذكراك ؟؟=كل الدروب إللي تودي دروبي

****


.....!!! أكثريه !!!.....

ضاقت الأرض وإشتـّد الزمان=راح وقت الهموم الشاعريه
من فقدتك وأنا ماني بأمان=والقصايد ماعادت منبريه
كنت أجي لك وكان الشعر ,, كان=ورد روحي وقلبي مزهريه
أكثري حب وأكثرك الحنان=وش كثر كانت الدنيا طريه
من حنانك يضيق بنا المكان=وين ما أروح ,, ألقاك أكثريه

****


.....!!! العباره !!!.....

مريت فينا ليله مالها وصف=في وصفها ضاقت علي العباره
رحبه ,, جميله ,, ناعمه ,, جوها ترف=مثلك حبيبي وأسعدتني الزياره
فعيونك التحنان وفقلبك العطف=رغم السنين وفي سلامك حراره
نظرتك حب وبسمتك كلها لطف=يلوق لك ثوب البها والطهاره
من جرحك الأول إلى جرحك الألف=قصيدتي بين الألم والمراره
وإللي كتب فرقاك ما جاز لي حرف=عقبك ولا قلت ,, إفدحي ياخساره
أقول في نفسي ورجلي على جرف=إما عمار القلب ,, وإلا دماره
لا طاب لك جرح ولا منقطع نزف=والوقت مر ,,, وحان رفع الستاره

****


.....!!! برد الخوف والمستحيل !!!.....

غابت الشمس وإلا الحزن له مغربه=وين أبغرب وأنا حزني غروبه ثقيل ؟؟
مجدبه ياجروحي والسماء معشـّبه=ساكنه والهوى ميـّل جريد النخيل
بارده ياحروفي والدفاء موهبه=بارده مثل برد الخوف والمستحيل
صوتٍ بعيد في قلبي ياليت أقربه=وبين قلبي ومابيني طريقٍ طويل
ليت حزني مثل حزن البشر وأكتبه=وليت دمعي مثل دمع العيون ويسيل
أشهد إني ردي حظ ,, وردي تجربه=وأشهد إني على بعض المشاعر بخيل
إيه مذنب في هالدنيا وهي مذنبه=من دفا حلمي الطيب لبرد الرحيل
عذري إللي متعبنّي وأنا متعبه=مال قلبي على بعض الهقاوي دليل
كل طيرٍ له إللي بالسماء يجذبه=وكل غصنٍ تجوز له الهبايب يميل
صرت أقول الكلام المر وأستعذبه=صرت أخاف الدفا لو إني وحيدٍ نحيل
كم صبرت وليال الصبر مستغربه=لين قلة حلاة الصبر لو هو جميل
الزمن صعب والنسيان يامصعبه=والدفاتر نشيّلها الهموم وتشيل

****


.....!!! ياحادي الركب !!!.....

ياحادي الركب لا تنطح هجير الشموس=وأحجب ظما البيد عن ماها وعن عيسها
كل ٍ على قد فهمه والليالي دروس=وأهل الحجا تفهم الدنيا وتدريسها
والشجره إللي علت في جذعها نخر سوس=لو تصبر الريح عنها كان ماجيسها
أبقطع الصمت في صوت ٍ كما حد موس=وأقرع طبول الوفا وأضرب مراويسها
ما كانت الحرب إلا حرب روم ومجوس=وإلا أرضها يعربيها في تضاريسها
في قدومها تفتن الأنظار مثل العروس=و عجوز شمطى إذا أقفت في هداريسها
ليا قبست ,, قل طالبها وطاب الجلوس=لو قلت ياكثرهم فينا معاريسها
ماهي بداحس وغبراهم وحرب البسوس=جحافل الروم تزمي في كراديسها
أقول وجه الزمن باكر علينا عبوس=والله يكذب فزع نفسي وأحاسيسها

****


.....!!! رميت الورد !!!.....


(رميت الورد .. طفيت الشمع)
مضى عامين
مامر بكلامي دمع
ولا مريتي بعيوني
يا أنتي
أي حزن إللي تركتي لي
وأي إحساس
يا كل الأرض
في قلبي .. وكل الناس
وش إللي فيك ماينحب
وش إللي ينكره وركه
تغيب الشمس وتشرق شمس
وبكره لو يجي بكره يصبح أمس
مثل ماكان في يوم من أيامنا بكره
وترى إللي حب ما يكره
أقول أسمك وينبت للمعاني قلب
وتحضرني أغاني حب
وأقول الدنيا لسى بخير
أساميهم تجي وتروح
وأسمك مايفارقني
يجي مثل البحر
ويروح مثل الروح
أنا ما أخترتك إحاسيسي
وإلا إخترتي تحبيني
يقولون المشاعر
في سماها طيور
وأنا أقول القلوب أشجار
ومن متى كان الشجر يختار
رميت الورد طفيت الشمع
مضي عامين مامر بكلامي دمع


****


.....!!! العذر مكتوب !!!.....

العذر مكتوب لا صـار الخطـا مقـري=آسف على ضحكتي وآسف على أحزاني
خطـاي معـذور وإلا غلطتـي عـذري=ومرارة العذر فـي قلبـي وفـي لسانـي
مدري وش إللي ذكرت وضاق به صدري ؟؟=مـدري وش إللـي نسيـت ولا تنسانـي ؟؟
لبست أنا ثـوب لا طولـي ولا قصـري=ياطيبـة القلـب ,, ويـن القلـب ودانــي ؟؟
سنتين ,, من عمرها مـرت ومـن عمـري=سنتيـن ,, أحـس الزمـن فيهـا تعـدانـي
سنتين ,, مرت حياتـي مـن ورا ظهـري=والحب سجنـي ومسجونـي وسجانـي
والشعر مطرود من قلبي ومـن فكـري=سنتين ماني بأنـا ,,, مانـي بأحـد ثانـي
غنيـت للنـاس والدنيـا علـى خبـري=والشعر في دفتـري مغـرور وإنسانـي
غنيـت للحـب يـوم عيونهـا تـغـري=يوم الوفـا والكـلام الطيـب الحانـي
غنيـت للدمـع يوم(ن) البكـى كـبـري=واليوم أنا أكبر من دموعـي وحرمانـي
اليوم ماعاد يمـدي إللـي جـرح يبـري=مليـت كثـرت خطاياهـم وغفـرانـي
مليت أنا الشعر ,, مل الشعر مـن شعـري=مليت أنا الحـب ,, مـل الحـب وجدانـي
و لو هي عليه عزيز النفس مـن صغـري=ماشاور القلـب فـي كرهـي لعدوانـي
إن رحت ياكثرهـم ,, وإن جيـت ياكثـري=ضاقت بي عيونهم لـو كنـت وحدانـي
تعبت وأزريـت مامليـت مـن صبـري=ليـت الـذي راح منـي كثـر ماجانـي
أحيان ودي أطيـح مـن التعـب وأزري=وتشيلنـي عـزتـي وسـلـوم جـدانـي

****


.....!!! ياخوفي من القابله !!!.....

ما أقول أنا غير ,, لكني أقول إن ذهبت=يتذكر الحب في النسيان من غاب له
تفرق الغيم عن راسي وأنا ماشربت=مابل قلبي بماه ولا أرتوى وابله
قد شدني لمع برقه بالسما وإنجذبت=ظميان ,, والروح من كثر الظما ذابله
ياحارس التيه أنت بصفحتي وش كتبت ؟؟=إللي قضيت العمر كله وأنا أعابله
لو ما يقولون عليت البكا وإنتحبت=بس بيقولون مجنون ,, الهوى هابله
البارحه كنت أحس إني كثير إقتربت=واليوم أبعد ويا خوفي من القابله
أبطلب العذر ,, سامحني حبيبي تعبت=وأببتعد عنك لو نفسي مهي قابله
عاشرت أنا الصدق في دربي وأظني كذبت=مره .. وطاح القمر فالليله الحابله

****



.....!!! صمتــــي وجعــــــني !!!.....

بالله ياراعي المناقيد دعني=مانيب تاجر والقصايد بضاعه
حرام أعوَد وأتبع إللي تبعني=وحرام أقول أزريت عقب إستطاعه
سكت لين أونست صمتي وجعني=وجمال شعري زاد صمتي بشاعه
والشر سيف(ن) ماقطعته .. قطعني=والخير في قلبي شعور وقناعه
والطيش ياما للمكاسب دفعني=والصبر في بعض المواقف دناعه
وإن قلت .. أنا باقول .. وأقول وأعني=بالقول طلت إللي يعسر الشجاعه
أنا نفعت الشعر لو مانفعني=ما خلـّف هذا الجوع غير المجاعه
شعري شعوري صانعه ماصنعني=الشعر عندي روح قبل الصناعه
عندي تساوى مدحهم لي ولعني=جمع(ن) عسى مايجتمع له جماعه
كان النسب عن الردى مارفعني=ساويت في طيب النسب والوضاعه
وإن كان قلب إللي أحبه وسعني ؟؟=ماهمني ضيق الزمن .. وإتساعه

****


.....!!! حبيبي لا تعاتبني !!!.....

حبيبي لا تعاتبني كفى ليل الجروح عتاب=كفاني منك دمعٍ لو بكيته طاحت عيوني
أحبك صدق وإن كذّبتني يامكذبي كذّاب=وألا يا ما أصدقه كذب ٍ حملته وأثقل متوني
حبيبي أنت عمري يا حبيبي والهوى غلاب=أنا هبّت هبايب لا وراي ولا بعد دوني
حبيبي كانت الفرقا بحر قلت السنين أخشاب=تجوّدت بطرفها قلت أبنسى العقل وجنوني
حبيبي كنت رجمٍ في حشاي وصرت لي مرقاب=أغني بك حروفي وأنت وحروفي تغنّوني
حبيبي لو بكيته طاحت الدنيا سما وتراب=حبيبي لو بكاني طاحت الدنيا من عيوني

أتمنى أن يحوز الموضوع على رضاكم جميعأ

تــقــّبـلـوا ودي وقــلـبــي

[سعد بن سريّع]

موكب سبقتني على الموضوع هذا لاهنت يالشيخ
عوايدك السمان . . سعد الحريص شاعر مثل ما قلت متفرد بالاحاسيس
نشكر سنـــة الثمـــانينات التي أتت بهــــذا البطــــل اعلم اني مندفع لهذا الشاعر
ولكــني اعلم اكثـــر اني منــــدفع نحــــو الجمال . . انا لا اود الاقتباس من النصوص
فالحيرة سيدة الموقف . . ولكن الصمت في حرم الجمال جمال ..


دمت في حفظ الله ورعايته

الغناوي

[صـــبـــــــــا]

هذه الصفحة نفحة من روح الشعر
صح لسان سعد الحريص
سلمت يمناك أخوي موكــب على هالسبائك النادره
ومن يد ما نعدمها يارب ..
بأنتظار جديدك ...
أختك : صــبــــــآ

[Najla]

.....!!! تعالى نهيم !!!.....


تعالى نهيم
فى دنيا المطر والغيم
ولكنك000
تخافين00وتخافين00وتخافين
وعندك شي تخفينه00
وأنا أحب المطر .. وأنتى تخافينه
ولا أدرى سبب خوفك ؟
ولا ظنك بعد000تدرين!!
تخافين المطر00
لا يبلل ثيابك
تخافين الرعد00
لا يرعب أحبابك
تخافين أن لمع البرق000
فـ عيونك يبان ما تخفين.
أبركض فالمطر00وأبتل
وإذا أرعبك المطر ليله000
أنا أرعبنى الجفاف سنين00!!

مـــــوكـبّ ,,

صـح لسااانـ الشآعـر // سعـد الحريـّص .. , حقيقة ً مبـدع ..
وصـح نقـلك ّ ..

يعطيييك العااافيـه ولآهنـت.. ..

تحيآتىي لكّ .. , نجلآ ..

[ريــــــانـه العــــود]

موكب




قصايد روووعه صح لسانه

والله يعطيك العافيييييه على هالموضوع الرائع

[موكب]

ولا انت وحياك الله اخي الغالي الغــناوي

واشكرك جزيل الشكر على مرورك الذي شرفني وتعقيبك الذي اسعدني

والله لا يهينك على كلامك في حق هذا الشاعر الرائع

دمت بـــود

[موكب]

الله يسلمك من كل شر

وحياك الله اختي الغاليه صـــبـــــــــا

واشكرك جزيل الشكر على مرورك الجميل وتعقيبك الذي اسعدني وشرفني

دمتي بــــود

[موكب]

الله يعافيك ويرحم والدينا ووالديك والمسلمين اجمع

وحياك الله اختي الكريمه نجلآ النوآعس

شرفني مرورك الرائع واسعدني تعقيبك الجميل

تقبلي تحيتي وتقديري لروحك العطره

[قبلة العذارى]

.....!!! برد المكاتيب!!!.....

هب الجنـوب وطـاح بـرد المكاتيـب=وياكثـر ماهـب الجـنـوب وذكـرتـه
يملا حضوره من حضوري ,, وأنا أغيب=ويامـا غيابـي فـي غيابـه حضرتـه
إن جا مطر ,, صارت له أضلوعي شعيب=وإن راح ريـح(ن) طيـر إللـي بذرتـه
طال السكوت ومـال صمتـي مطاليـب=غيـر الكـلام إللـي وقـف وإنتظرتـه
جنبت لو مالـي عـن الدمـع تجنيـب=مـن ويـن ماصديـت فينـي شعرتـه
واا اصمتي إللي صـار فعيونهـم عيـب=واااا جرحي إللي لـو فضحنـي سترتـه
لي صاحب(ن) يمـلا كفوفـه تراحيـب=لولا الحيا من ضحكته ,, مـا إعتبرتـه
ياصاحبـي ماهـي عليـا مقاضـيـب=عذروبـي إنـك ذخـري إللـي ذخرتـه
عذروبـك إنـك شوهتـك الأكـاذيـب=عذروبـك إنـك جـاك طيـب ونكرتـه
إن جيتنـي بـفـراق زود العـذاريـب=لأجيـك أنـا مـن زود صبـر صبرتـه
للطيـر جنحـان وريـش ومخالـيـب=لكـن يضيـع صيدتـه فـي غبـرتـه
ومن جزم نفسي يوم صار الردى طيـب=حلمـي قبـل لا يكسرونـه كسـرتـه
ومن راح منـي قلـت ياعلـه مصيـب=دورت لـه عـذر(ن) كريـم وعذرتـه
للي يبي بعـدي ,, أنـا مانـي قريـب=أمـا ربحنـي ,, ولا أنـا ماخسـرتـه
قلبـي خويـي مـا لقلبـي معـازيـب=وإللـي حقرنـي مـن رداه إحتقـرتـه
رغم الجـروح إللـي بقلبـي معاطيـب=حبيـت كفيـن الـزمـان وشكـرتـه

موكب


كل الشكر لنقلك الرائع .. وصح لسان المبدع سعد الحر يّص



تقبل مروري




****

[موكب]

الله يعافيك ويرحم والدينا ووالديك والمسلمين اجمع

وحياك الله اختي العزيزه ريــــــانـه العــــود

تشرفت بردي على مرورك وتعقيبك الذي اسعدني

واشكرك جزيل الشكر عزيزتي

دمتي بخير