السلام عليكم
قال ضيدان بن قضعان هذي القصيده في عجمي بن فاضل ا لشاعر وهو والله كفوووو
ويستاهل ابو فاضل
راكب اللي لا تساوى الخط كنها=طلقتن من جوف بلجيك القصيره
لقبوها الحوت من طيب معدنها= والمزايا كل أبيها مستديره
ما ركض خيالها لرخا رسنها=تنتحي لرضاه من ديره لديره
درتن ما كل غطاس مكنها=دونها الهقوات وبحور غزيره
فوقها اللي لانخيته ما ركنها=ذخر جدي سعد من هو له ذخيره
تنحر اللي للعلا نفسه رهنها=صاحبن في الضيق يسوا عشيره
ابو فاضل وهني دار سكنها=والحظيظ اللي ولد فاضل قصيره
لا لفيته مرحبا وأخير منها=فزتن تبصربها العين الضريره
وأشقر من دله لو ما وزنها=كان مركاها على حامي السعيره
غير حيل كل وحده في صحنها=لا دخل في سوقها جاب الكبيره
وعقبها قل لعجمي يامر وينها=الله اللي فضل العشر ألاخيره
وقل لبو فاضل عرف يقطف ثمنها=لا تلفت خلف والدنيا أمغيره
كم صبين لو بغاها ما مكنها=لو مزاجه صلف وأدروبه عسيره
من غلط له غلطه يدفع ثمنها= ما يحمل غلطته مخلوق غيره
وسلامتكم وعسى ان تحوز على رضاكم
أخوكم
النااااااااااااااااااااااااااااااازي
09-06-2004, 02:45 PM
العرض العادي
