... ((( روابع وريث المجد ))) ...

[محمد أبو زيد]

السلام عليكم ورحمة الله وبركاته


جديده ..

لعل وعسى ترتقي لذائقتكم ، وتجمّلنا معكم .

أنا البارحه زاحت هجوسي لذيذ النوم = مثل ماهلال محرّم يزيح ذو الحجّه


هجوسٍ ترادم ، كوم مقرون له في كوم = مابه باب مغلق ماتداهمه .. وتفجّه


شريط السنين الماضيه.. ! فلّته في يوم = وكم مشهدٍ قد مات ، تحييه .. وتسجّه !


خليّ الهموم إن مرتـه ؟ تودعه مهموم = وبعيد المدا ؟ تـلحق على أقصاه ، وترجّه


تسوق العباير لين تقبل على البلعوم = وأكفكف طوارفها .. وتدويّ لها لجّه


تلجلج مثل وردٍ على عيلمٍ مزحوم = راع الدور يقرع نصفها .. ونصفٍ يهجّه


عفى الله عن زولٍ ترك فالضمير رسوم = يزوّل لعيني وين ما أروح .. وأوجّه


عليه الفؤاد من التوجّاد فيه ثلوم = وعليه العيون تجمّع الدمع ، وتمجّه


وأنا خابر إن مالي مصدٍّ عن المقسوم = يالوّ النبات يصدّ من مقدم العجّه !


لكن لو معي من مقبلات الليال علوم = يجوز الفجيعه تصغر .. وتكبر السجّه


سطى بي زمانٍ قد سطى في خيار القوم = وكم قاصدٍ عن مقصده لــدّه ، وخجّه


ولولا الأمل بالوآحد ، القادر ، القيّـوم = يبثّ الحياه بميّت الغصن ويِوجّه ؟


تضيق الدروب ، ويبحل المقصي ، المضيوم = وروابع وريث المجد ماتقبل الحجّه

[ام العصافير]

وأنا خابر إن مالي مصـدٍّ عـن المقسـوم=يالوّ النبـات يصـدّ مـن مقـدم العجّـه !

يا سلاااااام عليك

ابيات في قمة الروعه

صح لسانك ولاهنت على ذالأبيات الزينه

تقبل مروري اختك ام العصافير

[مجنونxمجنونه]

لكن لو معي من مقبـلات الليـال علـوم
يجوز الفجيعه تصغـر .. وتكبـر السجّـه


سطى بي زمانٍ قد سطى في خيار القـوم
وكم قاصدٍ عـن مقصـده لـدّه ، وخجّـه


ابيات في قمة الروعه والابداع والله لايحرمنى من ابدعاتك

وصح لسانك

[ناصر بن فالح]

الله الله يا ابو ناصر


جزله جزله جزله ياجزل

صح لساانك ملياااارات

برايفت

قد لي كم يوم اتحراها

[صـــبـــــــــا]

عليـه الفـؤاد مـن التوجّـاد فيـه ثلـوم=وعليه العيـون تجمّـع الدمـع ، وتمجّـه
وأنا خابر إن مالي مصـدٍّ عـن المقسـوم=يالوّ النبـات يصـدّ مـن مقـدم العجّـه !

صــح لسانك على القصيده الجزله

لاهنت عليهااا

بانتظار جديدك .. أختك : صــبــــــآ

[زمانك]

صح لسانك يا ابوناصر

قصيده جزله من انسان جزل

و

تحيه اعجاب لمن ستحق الاعجاب

[قبلة العذارى]

محمد ابوزيد


صح لسانك ولاهنت


تقبل مروري

[محمد أبو زيد]

يامرحبا يا أمّ العصافير



صح الله بدنش ولآهنتي على المرور

[Imagination]

في ذمتي ذمّه ان ماهي ببخير وعزتي عنك
قصيده من الاوائل فالـ (الافكاروالتصوير) على المنتدى اذا ماهي بالاوله..
صح الله لسانك مدد بليّا عدد
فمان الله

[(هاوي قصيد)]

محمد ابو زيد ,,,

صح الله لسانك مليار ولا يكفي , جزله ومن راس جزل من جميع النواحي

بيض الله وجهك ولاهنت


أنا البارحه زاحت هجوسـي لذيـذ النـوم = مثل ماهـلال محـرّم يزيـح ذو الحجّـه

تقبل مروري واعجابي