بسم الله الرحمن الرحيم
اليوم جايب لكم هالقصيده
في وحده سرقت قلبي الله يستر عليها هههه
ياوجودي وجد من مالت عليه ،،،،، دنيته واصبح بحالة بهذله
او وجود اللي فقد احدى يديه ،،،،، ويده الاخرى تقول مكبله
او وجود اللي عشق بنتن تبيه ،،،،، مير عيوا اهلها ، وعيوا هله
حدني وقتي على شيءٍ مبيه ،،،،، حدني وصارت حياتي مهزله
صرت مثل اللي فقد امه وابيه ،،،،، ومن فقدهم لا سلى ولا دله
كل ما يذكر من العلات فيه ،،،،،، وصارت الدنيا له اكبر مشكله
صار مايدري وش اللي يحتريه ،،،،، من هموم ومن عذاب وغربله
وصار اسمه بين هالعالم سفيه ،،،،، وكله بسبة غزالن مذهله
مهرتن لا منها قالت كذيه (حركت راسها )،،،، صاروا العالم وراها سلسله
ولامن المزيون حرك حاجبيه ،،،،،، صار للعالم بلاوي متلتله
لامن اشر كل من حوله يجيه ،،،،،، ولا تأخر ما حدن يستعجله
و لا تكبر ما حدن يقول ليه ،،،،، ولا تأمر كلن يقول ازهـــــله
اشهد ان الزين فيه ومبتليه ،،،،، واشهد ان ربي عطاه وكمله
الحلاوه فيه والعرض النزيه ،،،،، وكل خلقن زين خلي منهله
فوق خلقه منبع الطيبه لديه ،،،،، طيب ويشهد على قولي عمله
توهتني في متاهاتن وتيه ،،،،، وقامت بحل الامور المعضله
وقامت بتنبيه رجالن نبيه ،،،،، وقمت انا بتوجيه بعض الاسئله
اسئله وجهتها مني إليه ،،،،، وقال ياحبك لكثر البـــلبـــله
اختصر. قلت اختصر ؟ قال ايه ايه ،،،،، اختصر وانا بحل المسأله
لاطلبش انسان يابنيه عطيه ،،،،، قالت اعرف كل امور المرجله
قلت انا انسان ماتوا والديه ،،،،،، عادهم حيين لكنه انبله
سمع صوتش وضيع اسم اخته واخيه ،،،،، وصار حبش ماركه ومسجله
والدوا يشرب عسل منش بفيه ،،،،، قابله لو هو مابلى .........
قابله وقابل جميع اللي يليه ،،،،، كل شيءِ من وليفي اقبله
بعترف ماني مريض ولا سفيه ،،،، اعشقش عشق بدوي يالبلبله
من عيون الحاسد اسم الله عليه ،،،، خير ختم اقرا عليه البسمله
09-02-2008, 02:56 AM
العرض العادي
