السلام عليكم ورحمة الله وبركاته
هذه قصيده لي كتبتها قبل سنتين وهي من اولى قصايدي وكان عمري تقريبا 16 سنه
اقول
قصة غرامي مع وليفي غريبه ،،،، ناظرتها كلمتها وابتدى الشوق
باسلوبها صارت لقلبي قريبه ،،،، هي اسرتني بالملامح و منطوق
جمال واخلاق ورشاقه وطيبه ،،،، واسلوب راقي يجبرك تعرف الذوق
سبحان ربٍ خالقش يالحبيبه ،،،، زينش تعدى كل من يدخل السوق
عيونش الثنتين والله مصيبه ،،،، تسرق فؤاد اللي معه قلب مسروق
من شاف عين صويحبي شق جيبه ،،،، و اكبر دليل اني ابو جيب مشقوق
ومن شاف خشم كالسيوف الصليبه ،،،، في وسط وجهن كنه الشمس فشروق
والمبسم اللي مالقي فيه عيبه ،،،، وبياض وجهن لمعته لمعة بروق
وشعرن مثل ذيل الفرس تعتني به ،،،، بيقول ياويلي على لابس الطوق
بيوصفش بيقول حاجه عجيبه ،،،، انا اشهد ان الزين لش صار طاروق
ياجعل من ينضل حبيبي يصيبه ،،،، همن وغم وجعله المس والعوق
جعله يعيّش في حياة كأيبه ،،،، واشوف حاله دايم الدوم مرقوق
قلبي مريض وصاحبي هو طبيبه ،،،، حبه سكن في وسط قلبي وفي عروق
وختام قولي باطلب الله طليبه ،،،، يجمعني ويجمع وليفي بصندوق
وسلامتكم
اخيكم / محمد بن ظافر الشامري العجمي
13-02-2008, 02:44 AM
العرض العادي
