جعل السحاب اللي مزونـه مراديـف=اللـي مـن المنشـا تـرادم قنـوفـه
يسقـى فيـاضٍ مـدهـلٍ للموالـيـف=والموقـع الـي ذكرياتـه طـروفـه
لاغـرد البلبـل وجـر الغطـاريـف=قلـت آه يادنـيـاً عليـهـا حسـوفـه
اقـزر الساعـه بوجـد وتحاسـيـف=والهـم كنـي واحـدٍ مـن ضيـوفـه
ميت ضما وانا متربـع علـى السيـف=رحلـت غــرامٍ كلبـوهـا كلـوفـه
والمشرب اللـي يذكرونـه ولاشيـف=سمعت بـه وازرت عيونـي تشوفـه
روابـع الاجـواد غـزو ومناكـيـف=وعلومهم عقـب الصحيـح مخصوفـه
شفت الحقيقه طيف رحت اعشق الطيف=عاشق ولـي مبـداء ونفـسٍ عطوفـه
عشقي علـى برهـان مافيـه تزييـف=وانـا ولـد لكـن بقـعـا نصـوفـه
عشقـت روس النايفـات المشاريـف=واطيب ربوعـي مانسيـت معروفـه
وعزمي قوي لو قصـرن المصاريـف=وعينـي رهاويّـه ونفسـي عيـوفـه
والطيب في من لا يعـرف المعاريـف=خسـارةٍ كبـرى مهـيـب مخلـوفـه
يـاذاك انـا مانـي قريّـب محاريـف=ادمح خطـا الطيّـب عليّـه واطوفـه
وان راحت الايـام عـج وعواصيـف=والوقـت قفّـى واللحـون معـزوفـه
كتمت سرّي بيـن عـوج السراجيـف=ويعوضنـي عقـب مغـزاي النكوفـه
لاصار مافي يـدي رمـحٍ ولا سيـف=مانيـب صـايـر للذيـابـه علـوفـه
الجـد يفخـر بالبكـار المشاعـيـف=وابـوي تـنـدا فالشـدايـد كفـوفـه
واللي عشقت اما يجي لي على الكيف=والا علـى ماقيـل جعـلـه ذلـوفـه
ريحانـةٍ بيـن النخـيـل المهانـيـف=يومٍ علـى الساقـي ويـوم مخطوفـه
أشـب نـاري واتكيّـف مـن الكيـف=وقصايـدي مثـل المهـار معسـوفـه
واتـرك علـوم مجمعيـن السواليـف=اللـي علـى طـرد الكـلام مهروفـه
واحب رفقة من يـذري عـن الحيـف=الطيّـب اللـي كـل صعـبٍ يحوفـه
اغلى الذهب في سوق باريس وجنيـف=واهنـي مـن هـو ساعدنـه ظروفـه
العرض الشجري