حبيبي والهوىينبت على قلبي حلم وآمال
وشراييني تضخ دم من أشواقي وترويها
انا اسمع دايم الأمثال تقول الحب يهد الحال
وان قول الهوى جنة مادام الوصل يحييها
ابيك بصدق توعدني قصر معك الزمن او طال
حياتي يابعد عمري دخيلك ماتخليها
وابيك تكون لي جنه اذا طاح البخت أو مال
وبي عينك تراعيني من الدنيا وبلاويها
وبي حبك يغطيني من اسفل كاحلي للشال
وبي صوتك يذوبني مثل شمعة انتهى ضيها
وانا بأعطيك "عهدالله"وامان الواحد المعتال
مادمني على الدنيا عيونك ماأبكيها
وعلي افرش لك اهدابي واحط رمشي غطا وظلال
وضمك داخل ضلوعي وذوب لك محانيها
وعلي ارسم بك احلامي وخلي الروح بك تختال
وسميك بحشاروحي حبيبي وانت غاليها
بعد عمري بعد روحي بعد اعمامي والأخوال
بعدكل الشعوب اللي تبوت في اراضيها
احبك ايه انا احبك وحبك بالحشى لازال
وحس انه بعد يزداد بكل لحظه وثوانيها
وحبك عدد لمعات البرق وغيثها الهمال
وحبك عدد مخلوق وطي الأرض ومشى فيها
احبك كثر مافي الكون من بحور وشجر وجبال
وحبك كثر ما ترسى المراكب في موانيها
احبك كثر انفاسي وعدد مافي الصحاري رمال
احبك كلمه بشفاتي ولادري كيف احكيها
تخيل من كثر ما اهواك وكثر ماأعشقك بخبال
احس اني مالك الأرض من اقصاها لدانيها
كتبت هذه الرساله من كثر حبي للعجمان
تحياتي المهاجر007
08-03-2008, 10:05 PM
العرض الشجري