الوفا والصدق احلا والذ امن الغدير؟ مسفر ابو خشيم

[(هاوي قصيد)]

مسا الخير

قصيده لشاعر العذب \ مسفر ابو خشيم الهاجري

الـوفـا والـصـدق أحــلا والــذ مــن الـغـديـر = والخيـانـه طعـمـهـا مـــر والـنـكـران أمـــر

أشهد أن مافيك خيـر ولا فـي الوقـت خيـر = وأشهـد أن مافيـك شيمـه ولا عـنـدك نـظـر

كنت في عيني عن الكون واللـي فيـه غيـر = آتــامــل فــيــك وأقــــول لــلــه الـشــكــر

أحمـد اللـي سخـرك لـي وأنـا عـبـدٍ فقـيـر = مامعـه مــن حــب غـيـرك ثـمـان ولا عـشـر

كنت أحبك حب من قلب وأحساس وضمير = يعني ان حبك جـرى فـي عروقـي وانتشـر

وعقب ما غيرت ممشـاك وآخلفـت المسيـر = صـار مالـك فــي حيـاتـي مـقـام ولا قــدر

لاتحسـب انـي بواصـل معـك حتـى الأخـيـر = لـو ابـا جاملـك ساعـه مــا جاملـتـك شـهـر

ولا ترجانـي علـى اللـي يصـيـر ومايصـيـر = كان جرحـك طـاب كسـر الخواطـر ماجبـر

روح فـي دنيـاك تـوك علـى الدنيـا صغـيـر = لاتذكرنـي وأنـا مـا أذكـرك طــول العـمـر

لا تذكـرنـي إلــى هــب نسـنـاس العصـيـر = وجاك فوج أفكارك السود والخافي ظهـر

وهـل دمعـك فـوق خـدك مثـل دمـع الغريـر = تشتكي من قسـوة النـاس وظـروف الدهـر

أنـس يــوم افـزلـك كـنـك أخــوي الكبـيـر = لا عرض طيفـك فـي بالـي وطاريـك حضـر

انسـنـي وانـسـاك لـعــل بالنـسـيـان خـيــر = واعــرف أن الله يسـامـح ويـعـفـو ويـغـفـر

وسلامتكم