تلوم عيني ليا كثرت سواكبها !! وانا اللي ماشوف في عيني سواك بها ؟؟

[محمد بن سعود]

صبـاح الخيـر

جديد الفتي الذهـبي / وإنشالله تعجبكم

وتلوم عيني ليا كثرت سواكبها = وانا اللي ماشوف في عيني سواك بها

وان كنت ياعين خلك .. طحت من عيني ؟ = بشيل عيني .. وأركبها .. واراك بها

إرتاح في عين خلك يا معذبني = وانثر همومك ( هنا ).. وإحذف عناكبها

من يبذل الجهد يجني بالرضا جهده = لاتحسب ان الخيوط أعيت عناكبها

كتايب الود تزحف لك وتزحف بك = ومسيرة الشوق تسعى لك مواكبها

برحل مع الركب .. وانا داري ب داري = تبقى الفرس جامحه .. إلا ؟؟ لراكبها

هواك نسمه ؟ وصدك يلفظ انفاسي = وانت الحياه اللي آتنفس هواك ابها

هويتك بلمحة للعين عفويه = معذور لامن هوا منهو هواك بها

وبحق ما آمنت به العرب .. إني = من قوم .. للذل .. ماترخي مناكبها

ماغلا من الروح حاجه عند أبن آدم @ واذا تبي الروح ؟ من عاشقك ! جاك بها

ماقلتها : لجل ابالغ ؟ او غرض ثاني = لكنّ ما اقيسها إلا من غلاك بها

زينك وطولك .. وضحكاتك .. وكلماتك = كم تصرع العين .. حتى لا حراك بها !

شاعرك من صورتك .. ينساب تصويره = وقصيدته فيك حابكها وحاك بها

احلى حروف الغزل .. واسمى معانيّه= وأعمق بحور الشعر ، وأصعب مراكبها

مشاعري معك مظلومه ومنكوبه = إليا متى وانت ظالمها وناكبها

سعود بن مهدي