محاوره بين (البرغش) و (الحشار)

[تركي بن فـهد]

السلام عليكم

اقدم لكم محاوره بين الشعراء :_

ناصر البرغش , فارس الحشار

اتمنا ان تحوز على رضاكم






ناصر البرغش

الليله المعنى كما البارود والموقف خطر=يافارس الحشار..والدنيا كفا الله شرهـا
كانك تبي رد الخبر لا بد ياتيك الخبـر=في نشرة الاخبار.. والدنيا كفا الله شرها

فارس الحشار

اليلة اليلة نبا المعنى مثـل نحـت الحجـر=يالشاعر البيطار.....والدنيا كفى اللة شرها
اكيد ماجينا علـى شـان التسلـي والسهـر=نبغى العلوم اكبار.....والدنيا كفى اللة شرها

ناصر البرغش

من كثر ما ننحت على الاحجار مازاد الحبر=في سلعة التجار ..والدنيا كفـا الله شرهـا
لاشفت ابو نواس قله بالكـلام المختصـر=يا ملهي الشعار..والدنيـا كفـا الله شرهـا

فارس الحشار

ابو حقب ياصاحبي ماهو مثل طلع الصقر=لو كان لة منقار ....والدنيا كفى اللة شرها
عباس ابن فرناس خاطر في حياتة وانتحر=راح القبر ماطار...والدنيا كفى اللة شرها

ناصر البرغش

لولا الذهب الاسوّد مع مال الخرافي والصقر=وش خانة الدينار..والدنيـا كفـا الله شرهـا
لو نفترض ان البحر مافيـه لامـد وجـزر=ماسافـر البحار..والدنيـا كفـا الله شرهـا

فارس الحشار

وش رايك اني ماعرف ياكود حسكات الوبر=وصقارة الصقار ....والدنيا كفى اللة شرها
خابر جحا ذيك السنة عين لة بعيـر وهـدر=ويقول صار حوار....والدنيا كفى اللة شرها

ناصر البرغش

الله يجيرك والعوارف مالها غير الصبـر=لاشانت الاقدار..والدنيا كفـا الله شرهـا
شفته وقال ان الوعد طال الزمن ولا قصر=في شيشة الصرار..والدنيا كفا الله شرهـا

فارس الحشار

ترى العوارف بالعوارف تقتدي وجهـة نظـر=يالعم ابو مختار.....والدنيا كفى اللـة شرهـا
ان كان ناصر زود السرعةعلى الجمس الحمر=ترى الوعد في شهار.....والدنيا كفى اللة شرها

ناصر البرغش

ياراكب التسعه شفر لاتامن التسعـه شفـر=ترا الشفر غدار..والدنيـا كفـا الله شرهـا
خابرك يا فارس تبا السفره على سطح القمر=حتى تشب النار..والدنيـا كفـا الله شرهـا

فارس الحشار

عينين ابو عرام حولا بس يحسبهـا حـور=ماقرب المنضار .....والدنيا كفى اللة شرها
بعض السوالف ياولد ماهي بتصلـح لنشـر=يامعزب الخطار.....والدنيا كفى اللة شرها

ناصر البرغش

وجه الفقر ماجاب لي غير الزياده بالفقر=يالشيخ ابو عمار...والدنيا كفا الله شرها
واللي يأيد صف ابو عرام لا ساق العذر=دقيت له مسمار...والدنيا كفا الله شرها

فارس الحشار

كلن عطاه اللـة علـى وجهـه ونيـات البشـر=ماتقصر الاعمار.....والدنيا كفـى اللـة شرهـا
امحق شهر وامحق سنة وامحق سنة وامحق شهر=الجار جار الجار....والدنيا كفـى اللـة شرهـا

ناصر البرغش

قال المثل ملزوم ترضى بالهزيمه والنصر=لأن الفلك دوار..والدنيا كفـا الله شرهـا
من شرق ابو تمام يالمنعور لا شرق الخبر=بنكبر المجهار..والدنيـا كفـا الله شرهـا

فارس الحشار

انا سبحت البحر كلة وانـت ماجيـت البحـر=مدري وش الي صار....والدنيا كفى اللة شرها
على العموم انا بروح ارقد تعبت امن السهـر=وبكرة لنا مشوار.....والدنيا كفى اللة شرهـا

وسلامتكم



اتمنا اني توفقت في النقل

لكم خالص تحياتي