( google )

[الوفاء]

.. لـــذائـــقــتــكمـــ ..

في كل مراحل حياتي عشت نفس الشعـور=ليا طرالي شهـق صـدري حنيـن و ولـه
له داخلي منزلـه مهمـا فتـش فالصـدور=مـا والله انـه يبـي يلقـى بـهالمنزلـه
هذا البشر طالما هـو راضـي يشـعّ نـور=ما شفتني لا اظلمت صوتّ " من مزعلـه "؟
من شاف قطرات ( ماء ) تعلو خدود الزهور=غلطان لو قـال : ذا قطْـر النـدى يعملـه
المسأله مـا تبـي تفكيـر , هـذا مـرور=الغالـي برقّتـه جنـب الزهـر واخجـلـه
هالآدمـي يلعـب بتلطيـف الأجـواء دور=انفاسه العطـر..وان هـبّ الهـوا ينقلـه
يملك من الحسن ما يجعل قصيـدي يثـور=ويكتب به مْن اروع الأبيات.. مـا يذهلـه
أحبّه أكثر مـن التفكيـر فـي مـا يـدور=فـي بـال حـظٍ عجـزت اردعْـه وآملّلـه
جمال جيله ليـا دقّقـت .. فيـه مْحصـور="سبحان ربي ".. كـذا تطلـع مـن اتأمّلـه
ذكي ولكن علـى فكـرة !! عـدو الغـرور=متواضـع ومـن صفـا نيّتْـه تستغفـلـه
من طالعه دون قصد يصيـر فيـه مْأسـور=والمستحيـل فسبيـل رْضـاه يستسهـلـه
ضميـره يأنّبـه لا شـاف بعـض الأمـور=تعب يبي شخص يرفض له طلب..قلت له :
وشلون تبغى طلبْك يْـردّ وانـت السـررو=بنفسه .. ولا يمتّ الحزن لـك فـي صلـه
كل بيت تدخلْـه بالفرحـه يصيـر مْعمـور=وكل أرض ما تمشي رجولك بهـا ممحلـه
صدري غدى دفتري وضلوع صدري سطور=القلـب يكتـب عليهـا اللـي مـا يتْحمّلـه
بنيت انا فـي مخيّلتـي.. حواليـك سـور=يا نبْع حبٍّ شربـت أعذبْـه مـن جدولـه
هذا كلامي معه من حـول خمسـة شهـور=وعذره معه سافـر سياحـه برفقـة هلـه
ومن قال : يمكن نساك !! اقول : تم العثور=عليه في "google" الخفّـاق.. بـس امْهلـه
واثق برجعتْه..مير الشوق جـاب الشعـور=اللـي يمـرّ بحياتـي .. مرحلـه مرحلـه

لــ .. / ثاني الدهمشي ..