أنت بحياتي شي ثاني عـن الغيـر=تقدر تقول : أجمل حدث في حياتي(دره)لـــ/شاعر ثامر شبـيـب

[فهد بن مطلق]

السلام عليكم ورحمه الله وبركاته


دون مقدمات (دره)لــــ/شاعر/ثـامـر شبـيـب الدقـبـاسـي


بين أيديكم!


صلوا على النبي
.
.
.
.
.

كل عام وأنت بخير وأيامك بخيـر=لايابعـدهـم كلـهـم ياغنـاتـي
أنت بحياتي شي ثاني عـن الغيـر=تقدر تقول : أجمل حدث في حياتي
أنت الفرح أنت الوفـا والتباشيـر=أنت أمنيـه لا والله كـل أمنياتـي
دايم أفكر لو خسرتك وش يصيـر=وقول دايـم جعـل قبلـه وفاتـي
من قبل أعرفك ماحسبت المخاسير=واليوم شفني ماخسرتـك وأحاتـي
إذا أفترقـنا بطلبك مطلـب صغيـر=لاتزورني بيـن النعـاس ومباتـي
أخاف لاجوني طيوفـك مساييـر=قلطهـم قلبـي تعشـوا ممـاتـي
ماقلت لك طبع الوجيـه المسافيـر=ماتغيب وإن غابت ليالـي وتاتـي
يعني إذا بتغيب من غيـر تفكييـر=ترجع قبل لا ينكسـر لـك ثباتـي
ولا أخذني معك من وين ماتسيـر=مدامك الدرب الطويـل بجهاتـي
لو نفترض إني وصلت السما طير=أحوم حومة حر والريـح عاتـي
المشكلـه إنـي بليـاك ماطـيـر=لانك جناحـي للمطيـر ونجاتـي
الطيحه منك تترك اسنيـن تأثيـر=من قال لك ماراح تشمت عداتـي
لا والله الا طيحة الدلو في البيـر=ياكبرهـا منـك الملـم شتـاتـي
وص أنت قلبك يذكر الحب بالخير=ولا أنـا والله لقضـب وصـاتـي
أمانتك .. في داخلك شوفني غيـر=وأمانتي .. لقربـك قـرب ذاتـي
من كثر ماخانت غـلاك التعابيـر=معاك أحس أصدق كلامي سكاتـي
لكن تعال وخـل عنـك المعاذيـر=شفني شسوي وسو عقبي سواتـي
ارفع يديك لمـن يـرد المقاديـر=وردد ورايـه ماتقولـه شفـاتـي
كل عام وأنت بخير وأيامك بخيـر=وانا معاك أعيـش باقـي حياتـي