البل تولوها قلال المحاصيل@@اللي عزايمهم هزالٍ ورثه

[وطـبـان]

السلام عليكم ورحمة الله وبركاته

يطيب لي ان انقل لكم قصيدة للشاعر / شجاع الأكلبي

عسى ان تحوز إعجابكم

=============

الهاجس اللي دكبـي تالـي الليـل

اللي بحث خافـي كنينـي وبثـّه
-------------------

وأضفى على جوّي هموم وغرابيل

وأدنى الزعل والبسط جاحه وجثّه
----------------------

حالة مساجينٍ عليها الدهـر ميـل

حنينهـا قطّـع فـوادي وغـثـّه
-------------------

اللي فحلها هدرته طلعـت سهيـل

سـودٍ سماريهـا وسـاعٍ وشثّـه
--------------------

البل تولوهـا قـلال المحاصيـل

اللـي عزايمهـم هـزالٍ ورثـّه
--------------------

عاقوا سلوم البل خبـول ومهابيـل

والخبل لاجا سلم الأجـواد خثـّه
----------------------

يوم أشتروها جودوا الشبك بالحيل

وأرهوا جريشٍ جاب للذود غِثـّه
-----------------------

وقعد سنيـنٍ ماستجـد المنازيـل

ومن طول مجلاسه كلا الفرش عثّه
-----------------------

عاقوا هواها عن وساع المداهيـل

رقاق الديار اللي مسـاسٍ ودمثـّه
-----------------------

يازينها لامـا أنتـوت للمحاويـل

يبهج فوادي شوف مشـيٍ تحثـّه
---------------------

تبي لها قفرٍ سقـي بـأول الليـل

وشربت هبوبه بعد مالوبـل دثّـه
---------------------

البل تبـي قـرمٍ يـدل الدواليـل

يتبـع هواهـا ونوّهـا مايلـثـّه
--------------------

قطفت من بستان فكري شماشيـل

وقدمّت باقـة ورد ماهيـب كثّـه
---------------------



وسلامتكم