بسم الله الرحمن الرحيم
يقول الشاعر مهدي بن سميطان ال الهندي اليامي
مابقى عندي عقل من كثرة التفكير=وانا اللي ما بقى فيني على كتم الحزن طاقة
احاول ارخي اعصابي واقول اللي يصير يصير=وترى ذا الوقت ما هو يستوي الا لخلاقه
ولا اسمع قلبي الا يوم يجذب ونته ويحير=بعيني دمع حز(ن) عزتي ما تكفل اعتاقه
شوي ابكي شوي اقعد شوي اوقف شوي اسير=شوي(ن)قايم(ن)بالباب وشوي(ن)على الطاقة
ماني ببخير لا والله ماني ذا المسا ببخير=وما اعاد اقول غير الله يجيب الصبح واشراقه
لعل الصبح لا صحصح من انعاسه وغنى الطير=يجدد بي امل عمر(ن)ذبل واحترقت اوراقه
يا كثر قلوب تطمح للعلا لكن وش التدبير=إذا المقسوم في وجه الطموح مشمر(ن)ساقه
دعيت وما وصل صوت.. كتبت ولا نفع تعبير=وكيف يجيبني من لا عرف جرحي ولا ذاقه
انا تعبان انا عندي قلق ما يدركه تصوير=انا متعبني الواقع وشين الدهر واخلاقه
ياوين القى وطن خالي مابه ظلمه ولاتعكير=ياوين القى نفوس(ن)جرمها انها بس انها عشاقه
ثمان اسنين يا ليل الرياض ادور التحرير=من اهات تكاد تشف اهاتي ومعلاقه
لأني حر ما اقبل حياة القيد والتعزير=إذا غيري رضى بالذل خوف الجوع والفاقه
لأني داري(ن) ان ماني بلاش ولا بنافخ كير=ولا قامح ولا عاثر ولا يمناي بواقه
لا والله غير رجل(ن)لي مع اهل المعرفه تقدير=إذا جيبي مخيبني فجودي ذاك براقه
لذا يالله تعوضني بعد طول الصبر ذا خير=يا رب ما يخاف الجوع عبد(ن) وانت رزاقه
لحيث ان ما عند عندي عقل من كثرة التفكير=ولا حتى بقى عندي على كتم الحزن طاقه
اخوكم
القلب الطيب
01-07-2008, 09:46 AM
العرض العادي
