ماهمني لايم ولا صايحن صاح...ولا رجالن للابل ماترومي (متواضعه)

[@ فــهــد @]

بسم الله الرحمن الرحيم

ابيات مدح قلتها عندما ذهبت النعيريه الربيع الماضي عند ابل ال بدّاح المحفوظ

ولقيت عندهم كل كرم وحسن الضيافه وهم كفوٍ لها فقلت هذي الأبيات المتواضعه بمناسبة رحلتي

قصيده حبيت اعرضها عليكم عساها تحوز رظاكم

اترككم معها...

اقول..

بر وخلا والهم والغم منزاح=عن شاعرٍ قلبه كثير الهمومي
عند الرجال اللي تعزك وترتاح=لشوفتك ولشوفتك ماتسومي
شفت الكرم والطيب والهيل فوّاح=وشفت المكارم والفعل والسلومي
وشفت الابل تطرب خفوقك بمسراح=لا شفتها تشفق وبالراس تومي
وشفت الفيافي تجعل العسر سمّاح=وشفت السما ساقت علينا غيومي
سال المطر من غيمة الخير منساح=يروي ظمانا وكل خلقٍ ظيومي
لا ظاق صدرك انطلق لال بداح=يرتاح صدرك من عذاب الغمومي
ما همني لايم ولا صايحٍ صاح=ولا رجالٍ للابل ما ترومي
عزيلهم في كل جيّه ومرواح=ويالله عساهم للردى والسمومي
بحر الشعر غصته وانا خير سبّاح=ماقد نطقت ابّيت وصار مهدومي
اثر القصيده تعتزيبي وترتاح=لا صغتها وامليتها بالعلومي

وسلامتكم


(صيف وخير)