ـــــــــــــــــــــ (( سيفك ودرعك )) ــــــــــــــــــــ

[علي بن فطيس]

السلام عليكم ورحمة الله وبركاته


أعتذر عن الغياب اللا أرادي مني بسبب الظروف
وجيتكم بقصيده وكلي أمل أن تنال على القليل من الرضا


:
:

يابوي أنا يمناك وسيفك ودرعك=سيفك نهار الضيق تركع له أعداك
مادمت أنا حين فلا تشيل همك=أرقابي العليا على كف يمناك
مثل الجبال الراسيه لا يهزك=ياتاج راسي بين الأضلاع مركاك
لجلك أبيع الروح وأموت لجلك=لا تشتكي يابوي للضيق دنياك
ما دمت أنا في وجه الأيام رمحك=أكسر جسور الوقت وأقدم أخطاك
حنا لك عوالك وجيشك وجندك=أرواحنا تفداك يابوي تفداك
يامن تربينا وعشنا بضلك=يامن على درب الوفا دوم مرقاك
يامن بنيت الطيب من طيب جدك=من ساس عودن صادق الطيب رباك
يابوي أنا محّزمك لا ضاق وقتك=كل ماتبي يابوي من تحت ماطاك
دام اليالي حالمه ما تردك=أقدم وأنا بعنز اليوم منصاك