ون ابن جدلان ........ لابن جدلان ....

[مراسل ابن جدلان]

السلام عليكم ..


القصيدة لعلها قديمة بس كل ماقريتها تعيش جوووو اخر ..

فهذا معنا الشعر .. في عصر يكثر الشعار ويقل الشعر ...

فخوضوا .. في الشعر ..





( وانا من ابن جدلان) ...

ون ابن جـدلان مـن لايـع لاعـه كن فـي كبـدي دوافيـر صناعـي
العب المنكـوس واحـب روباعـه ممل في الوقـت والوقـت خداعـي
مادريت ان ضحكة الوقـت خداعـه شفت مدخالي ولا شفـت مطلاعـي
لابغيت اسـج والا انبسـط ساعـه دق قلبي من وراء حدب الاضلاعـي
كن من بين الضلـوع الـه طباعـه تشتغـل لانمـت واقـوم مرتاعـي
هـم قلبـي مـا يفـرق تجماعـه غير جر الصوت والنـاس هجاعـي
فاقد لـي سلعـه واكبـر ابضاعـه سلعة تشـراء ولا هيـب تنباعـي
رفقة الطيـب ليـا غيـر اطباعـه اشهد انها كيـة توجـع اوجاعـي
راكب الي صممه صاحب اصناعـه جمس بيك اب من حديثات الانواعي
الغريب الـي جديـد مـن انواعـه حوض رفرف مايبي شد وشراعـي
لا انس البنزيـن عجـل تفرقاعـه مخطر من سرعتـه يقلـع اقلاعـي
لا تحرك شفت في القـاع مشلاعـه والتواير تظهر الماء مـن القاعـي
ينعش القلـب الحزيـن ابتهملاعـه لا مشـا قـام يتهملـع تهملاعـي
لاوطى الارض ألتعش كن تهزاعـه بنت شيخ طامح مـن ولـد راعـي
في رجاء الغايب تحـرا لمرجاعـه تنقد العشـاق وتطـق الاصباعـي
نفسها من جمله النـاس منصاعـه ماتبـي الا واحـد ذكـره ايشاعـي
ينحر اللي يأخـذ الطيـب بذراعـه الصديق الصافي الصامـل الواعـي
الوفاء والطيـب ساسـه ومنباعـه يوم بعض الطيب تقليـد وصناعـي
لا وصلتوا فأخبروني عن اوضاعـه واخبروا راعي السمارا عن اوضاعي
انشدو ويـش السبايـب بمهزاعـه لا علي ناقـص ولا ابيـه فزاعـي
ودنـا نرضيـه ونحـاول اقناعـه كان بن مهمل بعد يسمـع الداعـي
كـان يبغـا حـق للحـق قطاعـه نقنعـه والحـق ماعنـه مجزاعـي
وكان مبغض في الرياجيـل بتاعـه لا يجـي ناقـد ويلحقنـي ارياعـي
للصديق نخلـي النفـس خضاعـه مـا نوريـه الجفـا والتمطـاعـي
الصداقـه عندنـا ذخـر وطماعـه صحبة ماهيـب صحبـة تمتاعـي
حد جدتهـا علـى البـرق لماعـه وان خذت يومين مفعولها ضاعـي
فإن تليمنـا علـى العـز والطاعـه وان تفرقنـا فجـوج الله أوساعـي
ما أطرد المقفي ليا صفط أشراعـه مخبـل اللـي للمقفيـن تبـاعـي
من يحط اذنه علـى كـل سماعـه جـاه فرقـا مـا بعدهـا تجماعـي
والزباد اختـام هرجـي ومطلاعـه يدفعه من ريحة المسـك ذعذاعـي

[على دروب الغانمين]

مراسل بن جدلان لاهنت على النقل والاختيار المميز

وصح لسان المبدع بن جدلان

تقبل مرور اخوك

[مراسل ابن جدلان]

السلام عليكم ورحمة الله وبركاته

مشكووور على المرور الجميل ..

أخوووي لليمين در ...

[نـاصـر آل نـصـار]

والله ابدداع منك على النقل وعلى اختيااار القصيده


وصح الله السااان ابن جدلاان
وتقبل المروروروور

[مراسل ابن جدلان]

السلام عليكم ورحمة الله وبركاته


مشكووووووووووووووووور على المرور يالغالي ناصر آل نصار..

والله عضوو الماسي ... هاها ..

بيض الله وجهك يالمتذوق الشعر من الدرجة الأولى ..........

[>>جــــدلان<<]

مراسل ابن جدلان


لاهنت على نقل القصيده الرائعه




وسعد بن جدلان هرم في الشعر

من الشعار المميزين وله قصايد غايه في الجمال

[مريغان]

لاهنت يامراسل ابن جدلان
وصح لسانه

[مراسل ابن جدلان]

السلام عليكم ورحمة الله وبركاته

مشكووووووور على المرور ياجدلان ...

وسعد غني عن التعريف ... طال عمرك ...

وبيض وجهك على المرور ...

[مراسل ابن جدلان]

السلام عليكم ورحمة الله وبركاته


ولانت...

يامريغان .. ومشكور على المرور ...