اقلط على قلبي اللي منته بظيفه......( للتواصل )...(كل عام وانتو بخير)

[@ فــهــد @]

قصيده للتواصل

قديمه عندي ولكنها جديده على منتدى العجمان

حبيت اعرضها عساها تحوز على قليل من الرضى

(صلوا على النبي)

يالله ياللي تزيل الهم والخافي=حكّم ضميري ومشيها على كيفه
وابعد خراطيش جوفي عن تلهّافي=وثبت خفوقي على الدين وتكاليفه
أدعيك وانت الكريم المنعم الشافي=اشفع لعبدك من النيران المخيفه
في هالزمان البديع بكلّ الاوصافي=أصبح هجوس الحزن ايموت تصريفه
يا صاحبي يا سبيل الجود يا وافي=اقلط على قلبي اللي منته بظيفه
وكيّف على ادلاله اللي بنّها كافي=امن الهموم الثقيله واللي تعيفه
وعلّلّ؟ تجافيك عني وعطني الصافي=أبغي اعرف السبايب...وانزع الخيفه
صديت وأنت..(الغني)..ورديتلي..(حافي)=وشعاد تبغي من احساسي ومن طيفه؟؟
ماكنت لك حبٍ بوسْطه تولّافي؟=ماكنت فارس وحبك درعه وسيفه؟
ماكنت اشيلك وهمّك من على اكتافي؟=ما كنت ارزّك على هامات المنيفه؟
ماكنت شاعر.. وطيفك شعري وقافي؟=ماكان قلبي يخصك.. يا شتا صيفه؟
فاصحى وتركّد قبل لتصدّ وتجافي=لا صار حالي بغيابك صعب توصيفه
مازلت أحبّك وأحنّ لصوتك الدافي=لكن!! تحذر من القلب وسواليفه
يصبر..ويصبر..الين يكف ويعافي=ويبدا علومٍ تعيّف جوعك رغيفه
وخل المحبّه نقسمها بالانصافي=تبقى المحبّه الين نموت (توليفه)

وسلامتكم

وكل عام وانتو بخير

ومبارك عليكم الشهر