..:: ســــــور المدينـــــــة ::..

[راشد الذويب]

مساء الخير ..
.. وكل عام وأنتم بخير جميعاً ..

يارحمة الله انزلي تكفيـن واكفينـي العـذاب=ماعاد باقـي وسـط عينـي مايهلـه موقهـا
عقدين من عمري قضت بين الخطيّه والصواب=لا الحقت نفسي ماتبـي ولا قـدرت اعوقهـا
امشي كذا على عماهـا لا دليـل ولا زهـاب=دنياي تمشي بي كـذا وانـا علـى طاروقهـا
دنياي يا فالح رمتني بين ضرس وبيـن نـاب=حتى لمحت المـوت بيـن انيابهـا وشدوقهـا
ولا وعيت الا وانا مابين بـاب والـف بـاب=البحر الازرق من تحتها والسما مـن فوقهـا
والوقت مقفي والأماني شفتها شوف السـراب=واحفيت رجلي في طلبهـا والعـزوم اسوقهـا
اجاهد ظروف الزمن واطى على روس الحراب=واعشّم النفـس الشقيّـه لا تمـوت عروقهـا
وإن لدت عيوني ورا سور المدينـه للجـواب=شفت الفقارى تحت حكم الأغنياء في سوقهـا
وانـا فقيـر وحالتـي لله ومبـدأ لإنسحـاب=ارفض مجالاته ولا ني بداخـل ٍ فـي طوقهـا
والنفس قافيها القبر والشمس قافيهـا الغيـاب=والناس قفـت بالغنايـم واغلقـت صندوقهـا
رجـواي بالله والثـواب ابسـأل الله الثـواب=والا البشر مثل البشـر بوصالهـا وعقوقهـا
وإن كان ربي مارحمني بالثقيل من السحـاب=مات الرجى فالشجره الـي يابسـات عذوقهـا
اخذ كلامي ياخويي واعرف ان الظـن خـاب=فـي عالـمٍ سـم العقـارب خالـط ٍ معلوقهـا
ولا ذخرت من السنيـن الا رفيعيـن الجنـاب=الـي فعايلهـم تطابقهـا عـلـى منطوقـهـا
يا درع جنبي لا غدت الأكفان تلبس كالثيـاب=والروس شاشت واليدين إتحول دون إحلوقهـا
يا سيفي الي تخضع لحده شواهيق الهضـاب=يا تـاج راس المرجلـه وارجالهـا وحقوقهـا
خوتك خوّه والليالي وجههـا ريشـة إغـراب=وصفحتك نور ٍ مثل نور الشمس وقت شروقها
والصاحب الي خوته رحلة ذهاب إبـلا إيـاب=عسى الليالي تصد بـه وانـا ابشكـر ذوقهـا
العلم فـيدك والهدف مرسوم في عرض الكتاب=وانا في وجه الله من الي كشّـرت بشدوقهـا

دمتم كما تحبون