السلام عليكم ورحمة الله وبركاته
يسرني ان اقل لكم
قصيدة وهي لشاعر عايض بن صهيب
يوم سافر لتايلند مع ولد عمه متعب
((غربه شهر))
غـربـة شهـر عن دار ذربين الأطباع
كـنهـا دهـر فـي ديـرة أجنبيه
يـقـول صـبـرك لـكن الـقـلب مـاطـاع
وده بشوف اهل الوفا والحميه
مـلـيـت مـن دار بـها الـنـاس صــياع
وأهـل الـبـلد كلن يشابه خويه
فـيـهـا الـبـلاوي كـلـها أشكال وانـواع
ياشيب عيني لو نطول اشويه
فـيـا الـكـبـتـن الـطيار عجـل بالأقـلاع
خـلهـا مع الغيمه تسفح سويه
وليا أستوت فأحسب مع ســرعة القاع
كـم بـعـدهـا عـن قوة الجاذبيه
وروح لمـن عشـقه كمن بين الأضلاع
روح لـها مادامت الشمس حيه
أبو الـعـيـون الــي مــرايــش ووســاع
ووصـوف حـسنه كلها يوسفيه
فــيـامل قـلب مـن عـنــا الــوقــت ملتاع
يـمـسي على هاذي ويصبح بذيه
ويــزوع قــلـبـي زوع طــيـــر لـيا زاع
لاشاف جول الصيد بأرض خليه
عـــلـــى ولـــــــيــــف لـلـمـعـليق مزاع
اللـي كـوانـي كـيـة فـوق كـــــيه
مــن هــيــبــتـه عجزت أساليب الأقناع
بـمـا عـمـل فـيـنـي ومـاصار فيه
أشـريـة بـأحسـاســي ولانــي بــــيــــاع
وفـي بدايت المشوار يزعل عليه
لامــــاخـــذ مــداًولا مـــأخـــذ صــــاع
ولا عــاقــدن راي على غير نيه
فــأن كـــان جــانــي مـرحـبابة وذســاع
تــرحـيـب مثل البن في الشاذليه
وأن كـان صـار الـعـكـس ماني بـتـبـاع
للـمـقـفـي الـلـي راح لارحم حيه
الــحـــب لــه فـي الـقـلب زرعً وزراع
وأنـت زرعـت الـحب والود فيه
مـابـه وفـا دام الـــوفــا يـــاوفــا ضاع
ضاع الوفاء وسط القلوب الوفيه
جــيــتــك وانـا قلبي من الشوق مرتاع
وخـلـيـتني من دون ذنب وخطيه
فهجس القصيد أحساس وشعورة أبداع
والهجس صامل والحروف أبجديه
هاذي حروف الشعر جاتك با الـجماع
أمـا رضــيـت الصبح ترـضى قفيه
الشاعر:
عـأيـض بـــن صـــهـــيــب
26-09-2008, 05:22 PM
العرض الشجري