ياللي بأســاليب الخيـــــانه تفننت
وش رجعك عقب الجفا والقطاعه ؟؟
فارق عيوني وابعد ارجوك لاهنت
دامك تصنعت الــمشاعر صنـــاعه
لـــعبت لعبــــاتك بتمثيـــل واتقنت
وألــــفت كـــذباتك بفـــن وبراعـــه
وخليتني بالنـــــــــار يومك تمكنت
وقعدت ادور في هـواك الشفاعه
لان الحجر من حالتي وانت مالنت
لأني اعطيتك غلا عن قنـــــــــاعه
غدرت بي واخلفت ضني بك وخنت
وخذيت حبي لك مجرد اشـــــاعه
لاتقول ابرجع باللهوى مثل ماكنت
ضاع الهوى وانت السبب في ضياعه
يوم اني اسهـــــر اليــــل وين انت
يوم اتحرى جيتــــــك كل ســــاعه
ياللي مع الأيـــــام ضـــــدي تلونت
يا من تفنن في وســـــايل خداعه
بك من تواصيف الغدر لامن تمسكنت
كنه اخوك من الصدر والرضـــــاعه
يالمعــدن اللي حكك الوقت بينت
بيَن صــــــداك اللي خذيته بضاعه
ربتني الدنيــــا على يديك وايقنت
ان ماكل من يطمح طموح استطاعه
اليـــوم عقب اللي جرالي تمنعت
والحــــر بعيـــــــونه يبين انطباعه
كانك مع العــــذال وهمي تعاونت
عندي شهاده بالصبر والشجــاعه
وان كانك اسلوب التحدي لي اعلنت
ابشــر برجــــــــالٍ يشمــــــر ذراعه
انا طبعي وبأطبــــــــــــاعي آمنت
من عافنا يحــــــرم علينا اتبـــــاعه
والي معي صادق بعيني له اسكنت
عنــدي عن اسلوب الخيـــانه مناعه
تدري ؟؟ مدامك للهوى اليوم ما صنت
اقــــولها بوجهك وكلي قنـــــــــاعه
,,,,,,, ابو رجــــــــــلٍ يذله هوى بنت
اذا تخلى لأجلها عن طبـــــــــــــاعه
,وسلامتكم ..
26-09-2008, 06:25 PM
وش رجعك عقب الجفا والقطاعه ؟؟
العرض العادي
