[][] [][]يبث ارسال جوالي "مصافحه أولي "[][] [][]

[أنفاس القوايل]

السلام عليكمـ ورحمة الله وبركاته

اسعد الله اوقاتكم

وكل عام وانتم بخير ...

:

علي الله كل ماهب الهوا يطرق براس الحيد
علي الله كل ماحان القصيد وزان موالي

عليك الله يطري لي مقابلك نهار العيد
صباحٍ جاب صدفه ماعتقد تخطر علي بالي

قبل مده وانا شوقي لك والمشاعر والتنهيد
وقبل يومين ردت روحي الي فارقت حالي

لك الله دق لك مقياس شوقي / يرتفع ويزيد
مادام القلب ينبض فيك تبقي داخله غالي

أغني من صميم القلب وأخذ واطلب التنهيد
عسى هالوقت يكفيني .. اطيره وانفضه بالي

واعدي فوق برجٍ يرسل الموجه علي ماريد
يبث ارسال قلبي قبل يبث ارسال جوالي

كتبت وخانني نبض القصيد ولاقدرت اعيد
أعلي منزل ابياتي ..وتبقي فوقها عالي

تعبت اعيد موالي .. ذبحني حرقة الترديد
الا يالله ترحمني .. متى هو ينشرح بالي

دخيلك يا زماني .. لا تعذبني على ما تريد
كفايه جرحك الماضي .. كفاني منك ما جالي

ابيك تراعي احساسي .. تروف بحالتي وتجيد
تساوت عندي الحسبه .. وزاد المر مكيالي

تدامت فيني جروحٍ ٍ .. علاج وطبها ما يفيد
ثلاث اسنين تكويني .. تقلبني على الصالي

ولكن بختم الهرج الطويل بنقطه وتوكيد
مكانك هو مكانك بين.. (نبضي ..بين.. موالي)

:

وســـــلامتكم والسموحه فديتكم

ملاحظه: للتنويه فقط....
لي معرف أخر بالمنتديات

بحفظ الرحمن