مصافحه اولى >> قصيده ماتلتها قصيده

[نايف المايق]

السلام عليكم ورحمة الله وبركاته

اخواني اخواتي اعضاء ورواد الصرح الشامخ

اتشرف بتواجدي بينكم ونثر حروفي المتواضعه

واتمنى انها تحوز على ذوائقكم الرفيعه

وين القصيد اللي تجمّـل معانيـه=بكتـب قصيـده ماتلتهـا قصيـده






بكتب قصيدٍ بحره المـوق والتيـه=وأعزف من خيول القوافي عنيـده






الله علـى شعـرٍ جـزالٍ معانيـه=فيه الجمال وبـه بحـورٍ جديـده






أبغـى قصيـدٍ عاليـاتٍ روابيـه=وله منزلٍ فوق النجـوم البعيـده






أبغى قصيدٍ ما رسى في مراسيـه=غيري ولامن جاه غيـري يكيـده






كله لأجل من نور عينـي فداويـه=الغالي اللي لـه حياتـي زهيـده







اللي سكن بأقصى الضماير وأحييه=وأحس روحي دون شوفه شريـده






وإن قيل من تسكن حروفك أراضيه=من غيرها يستاهل أحلـى نشيـده






أمي غلا عمرٍ مضى مـع تواليـه=نور العيون وبهجة العمـر عيـده






يمّه هـلا بـك والغـلا مايكفيـه=لو يرخي الشاعر للأبيـات قيـده






يمّه غلاك يفوق ما كنـت ابحكيـه=وانا افتخر به ليت ربـي يزيـده






غلاك نبض الروح والروح تغليـه=غـلاك دمـي والمشاعـر وريـده






لو أقدر آخذ عمري ولعمرك أهديه=أهديت لك عمري بنفـسٍ سعيـده






الله يديمـك عـز ويعزنـي فيـه=هذا كلامـي واقبلـي هالقصيـده

ولاخلا ولاعدم

اخوكم

نايف الشمري