..(((الشيخ محمد بن زايد يزور ابن فطيس في منزله بالدوحة)))..

[نبض المعاني]

بسم الله الرحمن الرحيم

زار الفريق أول سمو الشيخ محمد بن زايد آل نهيان ولي عهد أبوظبي نائب القائد الأعلى للقوات المسلحة خلال تواجده في الدوحة منتصف الشهر الماضي شاعر المليون محمد بن فطيس المري المتوج بلقب حامل البيرق في برنامج شاعر المليون في نسخته الأولى .كان في استقبال سموه لدى وصوله منزل الأسرة في منطقة معيذر بالدوحة الى جانب الشاعر محمد بن فطيس، أسرة الشاعر وأقرباؤه يتقدمهم جد الشاعر ووالده حمد بن فطيس وأشقاؤه.ورحب والد شاعر المليون حمد بن فطيس نيابة عن الأسرة بمقدم سمو ولي عهد أبوظبي والوفد المرافق، معتبرا ان هذه الزيارة العزيزة لفتة كريمة من سموه تجسد المعاني النبيلة والأصيلة التي عرف سموه بها .

وألقى شاعر المليون محمد بن فطيس أمام سموه والحضور قصيدة ترحيبية بمناسبة زيارة سموه ضمنها حبه وتقديره لسمو الشيخ محمد بن زايد آل نهيان من خلال أبيات تعكس الخصال النبيلة التي تحلى بها سموه ويقول فيها :

طيبك يبو خالـد هماليـل وبـروق=وطاريك يشبه طاري سهيـل لا لاح
المدح فنجـال(ن) ليمنـاك مسيـوق=مادام طيبك فـي دلال الفعـل فـاح
والشعر لك مسيوق والطاق مطبـوق=ومسامعك من حقها جنـي الاربـاح
تفعل يمينك فعل ما هـو بمسبـوق=وعندك لبيبـان الصعيبـات مفتـاح
مكانتك فوق الشواهيـق مـن فـوق=ولك في دروب المجد مسرى ومسراح
شوفتك تبهج خاطر(ن) كان مبنـوق=ووقفتك تجلي هـم وتـداوي جـراح
لاجاك من همه جبل يشتكـي عـوق=داويت عوقه بالدوا والجبـل سـاح
ولا جاك من له من ورا الظالم حقوق=عود بحقـه يقلـب اتراحـه افـراح
وخوتك تنبت في حشى القلب زملوق=وخوي جنبك مـن سواقيـك ميـاح
يشفق عليها راعي الطيـر ويـروق=لا راح معك العمـر مـا يعتبـر راح
في خايع(ن) كله خزامـى ورقـروق=ريحه طوال الليـل والصبـح فـواح
يشفي خفوق(ن) فيه من وقته فتوق=والبال مع شرواك يا شيـخ ينسـاح
وهد العديم الي على طلعـه يتـوق=يرخي جناح ويوعد ويكفـت جنـاح
لو تنطحه ما شفت في سيقه سبوق=شلايلـه كنهـا دناديـش مسـبـاح
ما طار لو من بعد ملحوق ملحـوق=والخرب لا ناشه وهو عازم(ن) طاح
كنه مـن فـواده الا طـار منتـوق=ما هـوب للريضـان د مسـاح
من يوم جاني ما تمشيـت بالسـوق=ولا شريـت مـن المحـلات تلـواح
مثله عن البيع وعن السوم مفهـوق=ومثلك يبو خالد له الشعـر نضـاح
وشعري عن الي ما يحاليك مرفـوق=ولاني لغيـر الطيـب القـرم مـداح
ما غيرك وقت(ن) به العمر مسروق=عن التراث تذود بسيـوف ورمـاح
عز القنص بالطير والخيل والنـوق=فالبـر خيـال(ن) وفالبحـر سبـاح
على طريق العود لأقدامـك تسـوق=زايد عسى الفردوس له بيت ومـراح
ومن تحته انهار وعلى راسه عذوق=جعله مثل ما ريـح الشعـب يرتـاح
الي بنى بالعـزم بالرمـل شاهـوق=وجنى من الصبخى كمثـرى وتفـاح
محبتـه بقلوبنـا شـي مـوثـوق=وغلاه مهمـا كـان باقـي ولا زاح
ابوك يا محمد على المجد من فـوق=وانت اشتريت الطيب والمدح الارباح
المدح فنجـال(ن) ليمنـاك مسيـوق=تقهو دام المدح من خاطـري فـاح

كما أهدى الشاعر محمد بن فطيس.. الفريق أول سمو الشيخ محمد بن زايد آل نهيان كتابا بعنوان “راعي البيرق” وهو اصدار يوثق ما تم نشره عن الشاعر في مختلف المطبوعات اضافة الى القصائد التي ألقاها الشاعر في مختلف البرامج الشعرية وخاصة برنامج شاعر المليون وفي ختام اللقاء أعرب الشاعر محمد بن فطيس عن اعتزازه والأسرة بهذه الزيارة العزيزة.. واصفا مقدم سموه بأنه عيد وشرف كبير نقابله بكل الحب والتقدير وهو يعكس التواضع الجم والحس الرفيع الذي يتمتع به سمو الشيخ محمد بن زايد آل نهيان .






منقول بتصرف


اخوكم


نبـــــض المعــــــــاني

[دايم اهذريبكـ]

الله لا هينك
ومحمد بن فطيس يستهل الخيررر

[جطلي بن فهد]

يستاهل ابوخالد..
وصح لسان ابوحمد

ولاهنت يانبض المعاني على هذا النقل المميز

يعطيك العافيه

[نبض المعاني]

المشاركة الأصلية كتبت بواسطة H T L R

الله لا هينك
ومحمد بن فطيس يستهل الخيررر

ولا من يقول يا هتلر ومرحبا ومسهلا

تسلم والله يحييك دائماً

اخوك

نبـــــــــض المعــــاني

[نبض المعاني]

المشاركة الأصلية كتبت بواسطة سماوي بن نجم

يستاهل ابوخالد..
وصح لسان ابوحمد

ولاهنت يانبض المعاني على هذا النقل المميز

يعطيك العافيه

صدقت يا سماوي يستاهل ابو خالد

الله يحييك تحيات السيل وتسلم على كلامك الطيب

تقبل تحياتي وتقديري

اخوك

نبـــــض المعـــــاني

[محمد بن خزيم]

لاهنت على النقل الطيب والله يستاهل ابو خالد ومحمد بن فطيس



معا خالص تحياتي لكـ،ـ، يا نبض المعاني معك:al-5zim

[مـحمـد]

السلام عليكم ورحمة الله وبركاته

بادرة طيبه من الشيخ محمد بن زايد الى مستحق الشاعر الجميل محمد بن فطيس

لاهنت على الموضوع.

[سالم الرتيبان]

ارررحب يانبض المعاني
تسلم يمينك على النقل الراقي
ولاتحرمنا ابدعك
ودعتك الله

[| الحياويه |]

ماشالله




يستاهل بن فطيس




كل الشكر لك

[محمد بن قويعان]

لاهنت يا نبض المعاني على النقل

وصح لسان محمد بن فطيس