احبائي اعضاء منتدى العجمان اليكم هذه العذبه والتي اتمنى انها تستحوذ على اعجابكم ,,
تناسى العاشق بقلبه بقايا الخاطر المهمـوم
ينادي هالزمـن خايـف يشكـي لوعـة احبابـه
يهيم الشقا دربه وينسـى مـن شقـاه النـوم
ويهيم بعزته شامخ ودمـع الشـوق مـا عابـه
مشى عمره قسا دربه وربه يكتب المقسوم
يخاوي بالسفر شـوقٍ حنينـه دوم يلهـى بـه
يسافر في بحر حبه ويتبع في سمـاه نجـوم
ويمضـي بالبحـر هايـم نسـى الامـواج لعّابـه
غرق شوقه على صدره وعيا مع هواه يعوم
وعــوّد بـالأمـل خـايـف ويفـتـح للهوى بـابــه
نخا من لوعته حظه يبي حظه عسـاه يقـوم
صرخ في جوفه الخايف بغى صوته ولا جابـه
رجع حظه وقف ضده وصار بحسرته مهمـوم
ذبـح قلبـه وهـو عـارف نهـايـة قـصـة كتـابـه
نـزف جرحـه قتـل حبـه وعـلاّ رايـتـه مـهـزوم
بقى بحسرته عايـش ..وكثـر الهـم مـا صابـه
ورد العاشـق لقلبـه بقايـا هالاسـى والـلـوم
ينادي هالزمـن واقـف يشكـي لوعـة احبابـه
تحياتي للجميع,,,,,,,,,,
28-01-2009, 11:43 PM
العرض الشجري