الشيخ الفارس الشاعر الكريم/ سعد بن قطنان السبيعي

[راعي البل]

الشيخ سعد بن قطنان المرغاني السبيعي أمير المراغين من الزكور من سبيع

يعتبر من رموز الكرم والسخاء في قبيلة سبيع وأحد مشاهير كرماء العرب وفرسانهم وهو القائل في القهوة

جر الفراش لنا وهات الدلالـي=أربع مغاتير على النـار تدنـا
ترى حلاة النار دوم إشتعالـي=وسوقة فناجيل عليهم مـن أدنـا
فنجال أشقر مثـل دم الغزالـي=ليا نقص شيء من الكيف زدنـا
أتعب لها بالسوم لو كان غالـي=لو كان زود بالثمن مـا نشدنـا
نشري لها المثلوث هو شف بالي=لو كان سوقه نازح عـن بلدنـا
ياما دفعنا بالثمن مـن ريالـي=غير القرا نسهر لهم ما رقدنـا

وله أيضا في القهوة

قم يا رويشد شب ضو المنـاره=ثم هات من صوته يقود المسايير
نجرٍ ليا حـرك تزايـد عبـاره=يا زين صوته بين عوج الدواوير
يا مسوي الفنجال كثـر بهـاره=جلـفٍ ويتلنـه ثمـانٍ مغاتيـر
حاذور يالصباب تثنـي مـداره=ألا على اللي ينطحون المخاسيـر
أحد ليـا سيّـر عرفنـا وقـاره=وأحد ليا سيّـر يـدور التفاكيـر
كم واحدٍ ناشـي بليـا خسـاره=مصبرٍ نفسه على البخل تصبيـر
هو يحسب إنّا ما نعرف الصقاره=يعد عمره من حساب المناعيـر
يا حبنـا والله لجمـع التجـاره=لولا الحياء حنا نعرف المعاذيـر

وللشيخ سعد بن قطنان هذه القصيدة في جاره الشيخ مبارك بن مهرس وقومه الشدادين من قبيلة بني الحارث

وا جـاري اللـي كـل يــوم ٍ جـديـدي=ولا كثـر حسوفـه علـى فايـت ٍ فــات
راعـي دلال ٍ مــا شغلـهـا الزهـيـدي=ونجر ٍ لأهل عوص النضاء يرمي الأصوات
أبـو سعـد حـامـي عـقـاب البلـيـدي=زبـن القحـوم الجاذيـه فـي المـثـارات
خيّـال شـول ٍ مـا يكفـكـف رديــدي=وأليا أعتزى مـن دونهـا راحـوا اشتـات
يـا ربعنـا شـوف الشـداديـن عـيـدي=وظعونهم لا اقفـت يجـي القلـب حسّـات
ويـا طـي قلـبـي طيّـهـم للشـديـدي=والبيـض فــي غبطانـهـن امخبـيّـات
يـبـون بــرّاق ٍ مـزونـه بـعـيـدي=يرعونهـا فـي شـف لـقـح ٍ وخلـفـات
وألهـم علـى النقيـان رسـم ووعـيـدي=وميرادهـم عــد ٍ هضـابـه منيـفـات
وأنـا مـع الغلـبـا كـعـام الضـديـدي=نتـبـع مشاهيـنـا بلـيـا خـســارات
علـى النقـاء الـوضّـاح والله شهـيـدي=وكـل ٍ يبـا يلقـى حسابـه ليـا مــات
ودقلاتـنـا منـهـا يلـيـن الـحـديـدي=مثل النهـار اللـي غطـى خشـم أبانـات
ياليـت قلبـي مــن همـومـه يهـيـدي=ويـا مرحبـا يـا دبـرة الله ليـا جــات

وله هذه القصيدة في إبنة عمه الذي تزوجها الشريف وهو كان على وعد بالزواج منها

حالي كما هيشا غدا جلدهـا دف=ما عاينت من رعيها الفقر زودي
عليك ياللي ما تقضي لي منه شف=حالوا عليـه معنزيـن البلـودي
غدا بها حماي ركب الـى خـف=لا تاهوا الشردان قرع الزنـودي
يا صاحبي حطيت كف على كف=وأنا أحسب انك ما تخون العهودي
عساك يا نابي الردايف تحسّـف=على عهـود بقتهـا يالجحـودي

وله هذه القصيدة في ابنة خاله الشيخ عمر بن قرمله القحطاني

شي ٍ وزا في خاطري مادريبـه=وهيضت مابي يا حمام الحرميـا
على الذي ما كسر النهد صيبـه=في شبته مـا دق ربـق البهميـا
وان طالت الشده عليهـم تعيبـه=ما سر حوها في نحور الغنميـا
فوق اشقح ٍزين الحنـي تلتويبـه=يدجر الى ما اوحا حساس الخدميا
يا بنت من يشعا جهامة حريبـه=واليا تبيـن لـه حفيـفٍ لطميـا
سميهـا كـل العـرب تقتديبـه=شيخ ٍ على شيخ ٍ وفيه العدميا (1)

(1) سميها كل العرب تقتديبه : يقصد شيخ القبيله لأن ابوها شيخ وهي اسمها ((شيخه))
- شيخ ٍ على شيخ ٍ وفيه العدميا : يقصد ان ابوها شيخ واسم الفرس التي يركبها اسمها (( شيخه))



وله هذه القصيدة في رثاء زوجته

يا راكب اللي كـن زوره اليـا ذار=هيق يرهل تـو ماضـف بالريـش
يشدي لدانوق البحر حيـن ماسـار=ارخو شراعه مبعديـن المطاريـش
ياونتـي ونـة محاحيـل بـكّـار=من ظامري لجن بوقـت المغابيـش
يا عين هلي صافـي الدمـع عبـار=تزايدي لو قـال ناظـرك مابيـش
على اللي الذي ينعش فوادي الا سار=وليا ضحك لي بالثمـان المباهيـش
الصاحب اللي قربت منـه الأقـدار=وعنها نحني مبعـدات المطاريـش
غر البخت منها وعميـن الأبصـار=وغديت كني من هبيـل الدراويـش
ياغصن ريحـان تهـزع بالأثمـار=يسقيه فرقن من ركايـا جواهيـش
والعين عين اللي من العش قد طـار=مرقاه في روس الخشوم اشقر الريش
والعنق عنق اللي تمـدرا بالاقفـار=مـا ذيروهـا ناقليـن النواهـيـش
وازينها وان حضّب البيـت خطـار=وكمرن عشقات العيـال الفوانيـش
تقحص بحشمة واحد يكـرم الجـار=رجل تحاكوا به ركاب الطراريـش
امسيت كني مالـك كـل الأقطـار=واصبحت كني من عنا اليوم ماليش

منقووووووووووووووووووووول