السلام عليكم ورحمة الله وبركاته
هذي قصيده جزله وطيبه من طيب راعيها
انا والله ماعرفت الشاعر
لاكن الله يجزاه خير على ذالقصيده وحبيت انزلها لكم
وارجوا ان تنال على اعجابكم
يالله يالي بقدرتك تجري الافلاك
يارب يامحي البلاد المحيلة
انت الكريم وكل خلقك ترجاك
تطلب حنانك يامزبن دخيلة
يافارج الشدات بالضيق ننصاك
عليك تخفيف الحمول الثقيلة
ما خاب مخلوق لجالك وناجاك
من لا رحمته ياالولي عزتي له
يرجي فضايل غيث جودك وحسناك
ياربي يا معطي العطايا الجزيله
يالعبد لا تشكي على غير مولاك
ما يجدي المخلوق لو تشتكي له
لو تشتكي للعبد ما ثاب شكواك
ما له على حمل المصاعب وسيله
لا صار ما تقضي لزومك بيمناك
مقسوم رزقك ماتحوشه بحيله
لا تحتمل معروف هذا ولا ذاك
لو قل مالك والموارد قليله
لا شك نفسك عزها عن دناياك
والرزق خلاق الخلائق كفيله
لا تطلب المذموم للمال مساك
ما حاش به عين الفخر والنفيله
مال يلمه للمواريث مغناك
مثل السراب اللي بعينك تخيله
لا تلتهي بالمال والموت يقفاك
العمر يفنى بين يوم وليله
تسير بك سمر الليالي لمثواك
من طول المنزل لزوم رحيله
لابد من يوم عذاراك تنعاك
لا بد ما ينقال هيا نشيله
ما فيه بالدنيا مواطن وملاك
كل يسير وعابر في سبيله
كنك تحسب انك مخلد بدنياك
فكر وناظر وين جدك وجيله
واسمع كلام اللي على الخير وصاك
قوله يحثك على الشرف والفضيله
يرشدك لدروب المكارم وينهاك
عن موقع فيه الدنس والرذيله
وعن عشرة الهلباد واللاش خذراك
من صاحب الخايب يحطه زميله
عزاه لك من خوته كان خاواك
يرميك بدروب الردى والفشيله
عليك بالي للشرابيك فتاك
قرم إلا حدك لزومك تجي له
وإلا الردي لو هو ولد عم يجفاك
ما يجزم إلا يستشير الحليله
وش عاد لو تقضي لزومه إلا جاك
تجهد عليه وفوق راسك تشيله
إلا قضى بك حاجته قام يشناك
غيرك عمل طيب وانكر جميله
إلا بدا له لازم جاك ينخاك
وان درت به ضلوعه هزيله
مدحك يغيضه كان به جيب طرياك
وعليك يفرح بالخزا والخبيله
ضميره أسود والحسد داي فتاك
إلا سمع مدحك تزايد غليله
صديقك اللي دوم يحرص على رضاك
قريب لك لو هو بعيد القبيله
احرص عليه وسامك العرش ياقاك
يروف بك عن كل عيله وميله
وإلا مشيت اجعل على الحق ممشاك
ما يرتفع راعي الدجل والختيله
وصلو على اللي بالهدى زال الاشراك
شفيعنا عن حر حمر المليله
وسلامتكم
20-04-2009, 12:14 PM
العرض الشجري