حسسني انك تحس ... !!

[حسين الحوّاس]

،

،

،

،

،

يشرفني ان اضع هذه القصيدة في هذا المنتدى الشامخ

اتمنى ان تحوز على رضاكم

حسسني انك تحـس لامـن تناسيتـك=او تدري اضحك علي وجـد جاملنـي

ماهو على كيفي اخترتك وحبّيتـك=ياليـت قلبـي قبـل لقيـاك خيّرنـي

غلّفت لـك قلبـي الحسـاس واهديتـك=وراك بعتـه وراك ورحـت تسفهنـي

حتى على نفسـي يالمحبـوب بدّيتـك=وش فيك لامن طلبتك وصل ترفضنـي

جاوبنـي الله يسامـح حيـك وميتـك=لاتسكت وتلعـب التطنيـش جاوبنـي

لا تضحك بـعقلي في نضراتك اوحيتك=وضح غموضك يبو نضرات صارحني

مسباحي حـس وتناثـر مـن تعدّيتـك=وانته ولا كنـك اتسولـف وتسمعنـي

عبّرت لـك بالقصيـد وفيـه غنّيتـك=عبّرني لامن وقفـت اهنـاك عبّرنـي

لو كنت في بيتـك امرايـة بتواليتـك=مبطي تكسرت لهفـة وانـت تقطنـي

هذي وانا حالتـي بمـراة فـي بيتـك=وشلون وانـا بشـر وانـت اتجاهلنـي

ناجيتك وودي تفهم يـوم انـا جيتـك=الحب فاض وعليـك الشـوق قطّعنـي

للحيـن ماكبـرت براسـي وتحدّيتـك=تعال قبـل ابعـد ولا شـي يرجعنـي

كافـي عـذاب وتجافـي لا ترجّيتـك=يرحمك رب السما لاصرت ترحمنـي

باكيتي مايقعـد بجيبـي مـن اغليتـك=الله يسامـح جفـاك ان كـان دمّرنـي