قــصــــة اعـــــرابي ..!!

[أمير الغموض]

بسم الله الرحمن الرحيم

بدون مقدمات , هذه قصيدة للمبدع دائما عبدالعزيز الوسمي المطيري .. راقت لي جدا
فأحببت ان أشارككم بها .. وتشاركونني انت تذوقها ورأيكم فيها ..

كساني ليل بعثر مابقالـي مـن شتـات أفكـار=تعبت من التعب حتى نزفـت بصفحـة كتابـي
رثيتك في سما فكري رسمت من العنـا تذكـار=توشح بي حزن وقتي ونادى راحوا أصحابـي
أماني همهمة جرح بكى حزني علـى ماصـار=ضميت من الأمل حتى ذبلـت بسكـة أحبابـي
جليد من الأسى.....يائس يحاول يقطف الأزهار=وبـدروب العنـا يرثـي بقـايـا ماتبقـابـي
شظايا سولفت فيني وعن روح سكنـت بالـدار=تبدت للملا صبح سطـع ضـوه علـى بابـي
نسجت من الوله قصه نثرتك في عناي أشعـار=تجرعت الشقا وهم(ن) شربتـك عـذر لعتابـي
ظماي من الظلام الي ظلمنـي غافـل الأقـدار=وساد من الغموض الي بدا يلعب على أعصابي
ملل يومي سهر نومي رسمتك فالعمر مشـوار=وتاهة خطوتي تلهث ورى حلـم كسـر نابـي
تلعثم بي لسان الحال مـادون الدمـوع ستـار=ولملمت الشتات الـي تبعثـر دمـع بأهدابـي
تغافلني غضب موجه قسم ظهر البعير وخـار=وطاح وذلـت آمالـه وكـل بطعنتـه صابـي
ولفيـت الحكايـا صـورة علقتهـا بمسـمـار=وصوتك ...داخل الذكرى وحبك بالحشا رابـي
عبث أنسى نسيت أسهى سهيت ولا لقيت أعذار=عرفت إن الحضور الي ملاني جـرح بغيابـي
صدى صوت الضياع الي نشلني من ظلام الغار=ردا نبض الجروح الي سكبنـي حبـر بكتابـي
متاهات الألـم ليـل توشـح بالظـلام أسـرار=معانات الوداع إليا نشد عـن قصـة أعرابـي
ذكرت غيابك القاسي ذرفت من الدموع أنهـار=نسيت الناس من بعدك ذكرتك وانتـه أدرابـي
بعيد إلا من أقرب بوح في صدر الورق تذكـار=قريب إلا من أبعـد درب لـك ودا ولا جابـي
بقالي من عذابي جرح وجبـال العنـا وأعـذار=أبدفن صورتك وأعزف وأغني راحوا أحبابـي
أحس الناس فـي داري وكنـه ماحـد بالـدار=وناس(ن) غابت وراحت وكنـه فيـه ماغابـي

وسلامتكم جميييع ..
أخوكم/ أمير الغموض ..

[بنت الزعبي ..]

أحس الناس في داري وكنه ماحد بالدار
وناس(ن) غابت وراحت وكنه فيه ماغابي

هالله هالله لا هنت ع النقل الراقي
وصح لسان كاتبها وناقلها وبيض الله وجهك
وبصراحه جازت لي ذا القصيدة
والله لا يحرمنا منك ولا من جديدك
تقبل حضورى المتواضع

[أمير الغموض]

صح بدنك ..
اختي بنت الزعبي .. شرفني مرورك
شكرا لك ..

[بتاااار]

ياسلام ياسلام



مبدع وصح السانه ملايين



صراحه احتر مدري وش اختار كل الابيات قمه



امير اهنيك على الذئقه مبدعه الاختيار وكلك ذوق



تقبل مروري

[أمير الغموض]

صح بدنك اخوي بتاااار ..


عموما مشكور والله على مرورك ..

تقبل تحياتي

[فهد بن مطلق]

امير .. لاهنت على النقل الجميل

وصح الله السان الشاعر ..

لك تحياااتي

[أمير الغموض]

اخوي العود .. ولا هنت يا الغالي
شرفني مرورك وتعليقك ..

تقبل تحياتي ..